Magalies Mountain View Cottage

Selfsorg

Soos Gesien op Facebook
Kapasiteit: 4 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Erfdeel 426, Hartbeesfontein Plaas, Hekpoort, 1790, Gauteng
Vanaf R1 750 per nag (plek vir 4)

Beskrywing

Magalies Mountain View Cottage is net langs die R560 en die R401 in Hekpoort geleë. Die asemrowende Magaliesberg-uitsigte van die veranda af wag om jou te verwelkom by die bekoorlike kothuis. Luister na die voëltjies wat vroeg in die oggend al begin tjilp en kyk uit vir die warmlugballon wat moontlik oor sweef.

Die kothuis bied slaapplek aan 4 gaste en beskik oor 2 en suite-slaapkamers en 'n oopplan-kombuis en -leefarea. Die hoofslaapkamer het 'n koningingrootte-bed en die tweede slaapkamer het 2 enkelbeddens. Daar is bad- en stortgeriewe in die kothuis.

Die kombuis is met 'n elektriese tweeplaatstoof, oondjie, yskas-vrieskas, broodrooster, ketel, mikrogolfoond, eetgerei en breekware toegerus. Die eetarea het sitplek vir 4 gaste en die sitkamer het 'n gerieflike bank en stoele. Die sitarea maak op 'n stoep met 'n tafel, stoele, sonstoele, en draagbare braaigeriewe oop.

Die stoep is die ideale plek om te ontspan, 'n boek te lees en die pragtige berg-uitsigte te geniet. Daar is 'n privaat hek-ingang en parkeerplek. 'n Vuurput is ook beskikbaar.

Plaashoenders wandel vrylik op die werkende plaas rond op soek na 'n ietsie lekker om te eet. Kinders wat op die plaas kuier kan help om eiers te versamel en henne te voer. Die rivier is net 'n kort entjie se stap van die kothuis af vir diegene wat die plaas 'n bietjie wil verken.

Avontuurlustige gaste kan visvang in die rivier, maar net as die vangs weer vrygelaat word. Jy sal soms die visarend-paartjie hoor roep langs die rivier en jy mag hulle dalk raaksien as jy gelukkig is. As jy hou van fietsry, kan jy gerus jou fiets saambring en die plaaspaaie verken. Daar is heelwat restaurante in die omgewing indien jy nie lus is om voor die kospotte te staan nie. Jy kan ook boetiekbier by een van die kroeë gaan proe.

Daar is verskeie byekorwe op die plaas en die bye produseer heuning van stuifmeel en nektar wat hulle in die vallei bymekaarmaak. Die heuning word hier op die plaas uitgehaal en word nie geprosesseer, verhit of in enige manier behandel nie. Dis rou, natuurlike heuning van van die heuningkoek gespin, gefiltreer en gebottel word. Soms is ons gelukkig genoeg om heuningkoek ook te oes. Die gebottelde heuning en die raar, rou heuningkoek is direk by die inwonende byeboer te koop.

'n Verskeidenheid gebottelde konfyt, marmelades, piekels, blatjang, Italiaanse songedroogte tamaties en gepreserveerde eiervrug wat ook op die plaas geproduseer word, is te koop.

Kry ’n Kwotasie

Kamer-opset

Slaapplek vir 4 mense • 2 Slaapkamers • 2 Badkamers, 2 en suite

Slaapkamer

En suite

1 x Koningingrootte-bed

Bad, Toilet

Slaapkamer

En suite

2 x Enkelbed / Driekwartbed

Stort, Toilet

Resensies

4.8/ 5

Gebaseer op 79 resensies

Uitstekend

Netheid

4.9

Ligging

4.6

Waarde vir geld

4.8

Diens

4.9

Veiligheid

4.9

Gaste se hoogtepunte

Anita D

Saam met vriende

5.0

Rustige omgewing in Magalies. Baie rustige atmosfeer en gerieflike kothuis. Die ligging is perfek vir doendinge in die omgewing. Die kothuis is goed t...

Sien meer

Jul 2024

Lè-anne U

Saam met lewensmaat

5.0

Baie rustig, netjies en waarde vir geld. Ons het heerlik geslaap. Eienaar was baie vriendelik. Plekkie is besonders mooi, netjies en baie rustig.

Apr 2024

Gerda L

5.0

Rustige stoepkuiers met pragtige berguitsig, voëllewe en stilte. Pragtige uitsig. Oulike blyplek met alles wat nodig is vir 'n gerieflike verblyf.

Apr 2024

Juan V