Magalies Wild Game Farm

Selfsorg

Kapasiteit: 18 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Vlakfonteinpad RV04, Magaliesburg, 2200, Noordwes
Vanaf R990 per nag, vir 2 mense

Beskrywing

Magalies Wild Game Farm is in die ou Magaliesburg Natuurreservaat geleë en bied 'n rustige omgewing waar gaste kan wild- en voëlkyk. Verblyf is beskikbaar in 3 selfsorgeenhede, naamlik Loerie-kothuis, Sunflower Huts en die Leopard-boskamp.

Loerie-kothuis is 'n dubbelverdieping-grasdakkothuis met 2 slaapkamers waarvan 1 'n dubbelbed en die ander 2 enkelbeddens het. Die slaapkamers is en suite met 'n stort. Daar is 'n dubbelslaapbank in die solder en 2 opslaanbeddens. Die oopplan-leefarea het 'n kombuis wat ten volle toegerus is, 'n ontbyttoonbank en 'n sitarea met DStv. Daar is 'n motorhawe en 'n groot, privaat lapa met braaigeriewe buite.

Sunflower Huts is 2 houthuise. Een van die huise het 'n dubbelbed en die tweede het 2 enkelbeddens. Daar is 'n privaat badkamer met 'n stort buite. Die kombuis, eetarea en sitarea is met seil omhein wat opgerol kan word om 'n buitelug-gevoel te skep. Ander geriewe sluit DStv, 2 motorafdakke en braaigeriewe in.

Die Leopard-boskamp is in die bos en is sowat 800 m van die hoofopstal af. Die kamp beskik oor 2 houthuisies waarvan 1 'n koningingrootte-bed en die ander 2 enkelbeddens het. Die buitebadkamer en buitekombuis is onderdak. Daar is nie krag nie, maar daar is 'n gas-geiser, yskas-vrieskas, -stoof en sonkragligte, asook 'n boma met 'n vuurput. Die kamp is omring deur bosveld waar diere gewaar kan word. Daar is ook 'n daktent vir 2 gaste op 'n verhewe staanplek vir meer avontuurlustige gaste.

Al die eenhede is vir troeteldiere omhein.

Aktiwiteite op die plaas sluit 'n bosswembad met 'n pragtige uitsig, wild- en voëlkyk, wildritte, bergfietsroetes, voetslaanroetes en wildkyk-areas wat perfek is vir sonsondergang-wildkyk in. Die volgende wildsoorte is te sien op die plaas: blesbokke, impalas, koedoes, sebras, volstruise, duikers, vlakvarke, ystervarke, ratels, tierboskatte en jakkalse.

Die plaas is gerieflik geleë vir daguitstappies na Maropeng, Pilanesberg, Rhino and Lion Park, Sterkfonteingrotte, Hartbeespoortdam en Rustenburg. Daar is baie oulike winkeltjies en restaurante in Magaliesburg/Maanhaarrand-area.

Kry ’n Kwotasie

Dít is wat jy hier sal kry

Gratis, veilige parkeerplek

Swembad

Troeteldiere op versoek

Resensies

4.6/ 5

Gebaseer op 40 resensies

Uitstekend

Netheid

4.6

Ligging

4.5

Waarde vir geld

4.3

Diens

4.7

Veiligheid

4.8

Gaste se hoogtepunte

Audre P

Saam met vriende

5.0

Goed geleë naby aan Pretoria. Pragtige plek met heerlike stapplek - ons was 3 pare - baie goed ingerig, netjies en skoon. Daar is 2 slaapkamers met en...

Sien meer

Apr 2024

Saroj R

Gesin met tieners

5.0

Stunning accommodation. Absolutely loved the stay. Very peaceful and neat. Highly recommended.

Word in die oorspronklike taal vertoon.

Jan 2024

Deidre R

Saam met lewensmaat

5.0

Die beste as jy wil wegbreek uit die stad en jou honde kinders wil saam neem. Gesin van 4 en honde kinders: Ons het in Sunflower gebly. Alles wat jy n...

Sien meer

Des 2023

Dellen H

5.0

I loved it - it was so very different. The peacefulness and lack of people was wonderful. Also, the fact that I could take my dogs was ...

Word in die oorspronklike taal vertoon.

Sien meer

Sep 2023

Senani Judas M

Gesin met klein kinders

4.8

Great. My boys and I were very excited to be out in the bushes. We really enjoyed our stay. We thank Cleopas for going above board in m...