Wel, ek het gekyk na vorige terugvoerings ens. Maar ons het dit werklik verskriklik geniet en was alles in plek en op standaard gewees. Volgende keer gaan ons definitief 'n bietjie langer daar vertoef. Met ons aankoms is ons werklik goed ontvang en is alles aan ons verduidelik. Daar het niks gekort nie en moet ek eerlik noem dat alles was skoon en netjies. Die trappe waaroor sommige mense kla, kan ons glad nie mee fout vind nie en ja, die meubels is oud en vertoon nog pragtig. Werklik 'n goeie idee om oudhede vir so 'n doel te gebruik. Ons breek gereeld weg Port Owen toe en het al 'n paar plekkies gehuur, maar ek sal weer terugkom na Mandoryn 9 toe.

Puik. Verblyf was uitstekend. Area baie rustig en beskik oor alles wat nodig is vir 'n lekker wegbreekvakansie. Baie dankie aan Estelle. Sy is dierbaar.

Lekker rustige wegbreek. Mandoryn Nege is 'n ruim huis met 'n oopplan leef- en kombuisarea op die onderste vloer. Die aparte opwaskamer het 'n skottelgoedwasser, wasmasjien en tuimeldroër. Die huis het sonkrag en 'n gasstoof, dus het ons nie geweet van enige kragonderbrekings nie. Op die boonste vloer is vier slaapkamers waarvan drie uitloop op die balkon. Jy hoef letterlik net jou eie kos en klere saam te neem. Die rivieruitsig is fantasties. Ons het baie lekker gebly. Ek sou van 'n koffiestasie op die boonste vloer gehou het en patio-meubels op die balkon. Daar is ook 'n kano vir die meer aktiewe mense, bring net roeispane saam.

Baie lekker gebly. Baie goeie ligging. Alles is daar wat nodig is. Huis en vloere was baie skoon met aankoms. (Nie altyd die geval met ander huise nie.) Baie lekker gebly. Die "jetty" kort beslis werk.

Wat 'n asemrowende plek! Ek en my verloofde gaan baie weg en ek moet sê dit was een van die beste plekke waar ons nog ooit was. Die huis het als in waaraan jy kan dink en nog meer. Om nie eers te praat van die ruim vertekke nie. 'n Massiewe, fantastiese kombuis, ruim en gemaklik. Tot in die eetkamer en dan natuurlik die beste braai-area met die mooiste bar. Die "view" is asemrowend van alle kante af. Van bo tot onder. Jy sal dit nie kan glo tot jy dit nie beleef het nie. Gewoonlik gaan ons baie uit na plekke toe as ons weggaan, maar in die geval was dit lekkerder om by die huis te kuier. Die hoofslaapkamer het die mooiste, grootste badkamer. It is to die for. Ek kan voorwaar aan die eienaars sê - well done! Ons gaan beslis baie gaan. Buiten vir die mooiste plek ooit is dit ongelooflik bekostigbaar. Ons gaan nou ook daar bly met ons troue in Februarie, want ek sal by geen ander plek wil bly nie. Baie dankie dat julle jul pragtige plek met die mense deel. As ek in Velddrif kon bly sou dit my droomhuis wees. Als is perfek!

Was heerlik. Baie gawe dame wat ons ontvang het.

Rustig, en geriewe genoeg. Uitsig op kanaal pragtig. Die trap na kamers en badkamers is nogal iets om in gedagte te hou indien bejaarde mense dalk daar wil gaan bly.

Mooi omgewing. Huis pragtig geleë. Heerlike groot huis. Die eienaar sal moet kennis neem van vorige resensies. Die vlot voor die huis is uiters gevaarlik en stukkend. Skroewe wat in kombuis kaste lê. Iemand is seker besig om kasdeure aan te sit. Van die inners en kussingsslope is gevlek. Die trappe sal moet veiligheidsstroke op kry. Die TV werk nie altyd nie. Maar ek glo Eskom moet dalk die skuld kry. Vir die redes dat die prys nogal hoog is verwag jy dat als in plek sal wees. Die opsigter Estelle was wonderlik en baie vriendelike dame. Het self uit haar sak gaan krag koop en dit kom opsit. Maar die huis sal ek nog steeds aanbeveel.