Manor on the Bay

Gastehuis

Kapasiteit: 22 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Kusweg 117, Gordonsbaai, 7140, Wes-Kaap
Vanaf R2 290 per nag (plek vir 2)
TGCSA-gradering:

Beskrywing

Manor on the Bay is 'n 4-ster historiese gastehuis, slegs 20 tree vanaf die wit sandstrand in die prentjiemooi Gordonsbaai, net buite Kaapstad. Dit is ook net 35 minute vanaf die Kaapstad Internasionale Lughawe.

Manor on the Bay bied 'n pragtige uitsig oor die Atlantiese Oseaan, Valsbaai, Tafelberg en die Helderberg en verseker 'n onvergeetlike sonsondergang.

Die gastehuis is beurtkragvriendelik en is volledig operasioneel gedurende kragonderbrekings.

Verblyf word in 11 kamers met uitsigte oor die Atlantiese Oseaan of die versorgde tuin aangebied. Al die kamers is ruim en elegant versier. Elke kamer het 'n dubbelbed of 2 enkelbeddens, lugversorging, TV's, en suite-badkamers, aparte ingange en 'n stoep of balkon. Daar is 2 luukse kamers met uitsigte oor die tuin, 8 luukse kamers met see-uitsigte en 1 gesinsuite met 'n see-uitsig. Dié suite het 'n koninggrootte-bed en 2 stapelbeddens vir kinders, sowel as 'n kombuisie met 'n stoof, mikrogolfoond, breekware, eetgerei, en die enigste eenheid met 'n braai en 'n privaat eetarea.

Geriewe op die perseel sluit 'n swembad, gratis vesel-WiFi en 'n groot veilige parkeerplek op die perseel in. Vir sakereisigers is konferensiegeriewe vir tot 18 afgevaardigdes beskikbaar. Gaste kan selfs die kans kry om die walvisse en dolfyne gedurende seisoen in die water te sien baljaar.

Nabygeleë doendinge sluit in visvang, fietsry, voëlkyk, bergfietsry, swem, gholf en wynproe in. Gaste kan masserings by 'n nabygeleë, bekende Thai Spa bespreek. Die huis is sentraal geleë, net 'n klein entjie van gewilde restaurante, skemerkelkie-kroeë en beroemde Blouvlagstrande af. Manor on the Bay is sentraal geleë naby Kaapstad, Stellenbosch en Hermanus en is die ideale verblyf vir oordeelkundige gaste wat op soek is na 'n luukse verblyf, naby verskeie besienswaardighede aan die Atlantiese Kusgebied en wyn- en gholflandgoedere. Die perfekte blyplek vanwaar die magdom ervarings in die Wes-Kaap beleef kan word.

Met die Atlantiese Oseaan op jou voorstoep het Manor on the Bay 'n ongeëwenaarde ligging in Gordonsbaai, wat dit een van die mooiste gastehuise teen die strand in Kaapstad maak.

Kry ’n Kwotasie