Die beste toegeruste vakansiehuis wat ons nog in was. Dit was heerlik om hier te kuier. Die eienaar was ongelooflik behulpsaam en vriendelik. Die huis is baie ruim en alhoewel ons net 4 redelike bejaardes (2 goed bejaard) was, is dit n baie gemaklike huis en kom mens nie in mekaar se pad nie. Alles wat jy nodig het en nog meer is beskikbaar. Die see is net oorkant die straat met 'n heerlike gemaklike wandelpaadjie langs die see. Daar is 'n goeie verskeidenheid boeke om te lees en ons sal beslis weer hier wil gaan uitspan.

Gerieflik. Die ligging van 28 Marine Drive is puik, dit is regoorkant 'n bekende getypoel genaamd Jan Rabie Getypoel. Dit was gerieflik om elke nou en dan net oor te glip, sodat ons kinders kon gaan swem en visvang. Die huis leef baie lekker, en die groot stoep en swembad was ook 'n treffer. Ek sal die verblyf sterk aanbeveel.

Ons het lekker gebly. Ons het baie lekker gekuier, alles was skoon en netjies. Die huis is goed geleë voor die Jan Rabie getypoel. Al wat nie vir ons goed was nie, was die selfoonopvangs. Ons het ook nie die WiFi se besonderhede gekry toe ons inboek nie, en ons moes rondbel om dit wel te kry, want dit staan ook nêrens nie. Die huis is wel toegerus met alle benodighede.

Ons was in Onrus met ń spanbou-geleentheid. Hierdie was een van 3 huise wat ons gehuur het. Ons het heerlik gebly. Ons gasvrou, Estelle, was uitstekend. Sy het uit haar pad gegaan om ons te help en is só vriendelik. Almal het die huis geniet. Dis uitstekend geleë met 'n heerlike swembad en letterlik by die see. Ons dink 'n uitgebreide gesin sal heerlik vakansie hou hier.