Mark's View

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Panoramarylaan 69, Zinkwazi Beach, 4480, KwaZulu-Natal
Vanaf R3 300 per nag (plek vir 10)

Beskrywing

Mark's View is 'n ruim selfsorghuis met 'n panoramiese uitsig oor die see en is in Zinkwazi Ridge. Die huis is net 2 km van die pragtige swemstrand met lewensredders af. Gaste kan die walvisse op hulle jaarlikse migrasie tussen Julie en Oktober dophou, of die dolfyne in die branders sien baljaar.

Die huis het slaapplek vir 10 gaste en beskik oor 5 slaapkamers, 3 badkamers, 'n oopplan-kombuis, -eetarea en -leefarea, asook 'n tweede sitarea onder. Die eerste slaapkamer het 'n koninggrootte-bed en 'n en suite-badkamer met 'n spa-bad, stort, toilet en dubbelwasbakke. Dié kamer het ook skuifdeure wat na 'n stoep lei. Die tweede slaapkamer het 'n koningingrootte-bed en die derde slaapkamer langsaan het 'n tripelstapelbed met 'n dubbelbed onder en 'n enkelbed bo. Die vierde slaapkamer het 'n koningingrootte-bed en die vyfde slaapkamer het 2 enkelbeddens. Daar is 'n instapstort, toilet en 'n wasbak in die derde badkamer.

Die kombuis is met 'n stoof, oond, mikrogolf, ketel, broodrooster, skottelgoedwasser en 'n wasmasjien toegerus. Daar is 'n eetarea met sitplek vir 8 gaste om die tafel langs die kombuis. Die onderdakstoep het 'n etenstafel en stoele, asook 'n ingeboude braai. Die eetarea lei na 'n sitarea met 'n plafonwaaier en 'n TV. Trappe neem jou na die onderste sitarea met sitplek en 'n plafonwaaier, en uit na 'n stoep met buitemeubels en 'n mooi see-uitsig. Dit is die ideale plek om die sonsopkoms met 'n warm koppie troos te geniet.

Die huis is troeteldiervriendelik. Gratis WiFi is beskikbaar en daar is parkeerplek op die perseel.

Kry ’n Kwotasie