Baie pragtig onderhou. Baie diere. Rustige omgewing. Ons kom weer! Dra ons dank aan die eienaar van hierdie woning oor.

Natuur op sy beste. Lekker gerus by Marloth Sanbonani. Ons het ons kuier by Marloth Sanbonani baie geniet. Die daaglikse besoekers uit die natuur was 'n belewenis vir die kinders. Nie elke dag wat 'n koedoe of vlakvark by jou kom kuier op jou stoep nie. Die huis is toegerus met alles wat mens nodig het. Ek sou net gehou het van 'n plekkie in die badkamer om my badhanddoek op te hang maar dis maar net persoonlike voorkeur. Mal oor die grootte van die swembad, net genoeg om lekker af te koel. Sou nice gewees het as die skadunet oor die swembad was soos op die foto's. Die swembadwater het nie baie lekker geruik nie, dalk net gereeld chloor of iets ingooi, alhoewel dit nou nie so erg was dat mens nie kon swem nie. Vir mense wat hou van eenvoud is hierdie plek perfek. Sal beslis weer hierheen kom.

Baie mooi, maar vir wat mens betaal moet die skoonmaakdiens beter wees. Ons het baie lekker vakansie gehou by Marloth Sanbonani, maar ongelukkig was daar met die aankoms een of ander knaagdierontlasting in die kombuis, op die toonbank, in die kamers, en op die vensterbank wat eers skoongemaak moes word (ons het dit self skoongemaak). Ek vermoed dit behoort dalk aan nagapies wat iewers die huis binnekom as hy leeg staan, want daar was geen tekens van muise of rotte nie. Die res van die huis was mooi skoon behalwe die stoep wat 'n goeie vee nodig gehad het om ontslae te raak van blare en takke. Die lugversorging in die huis werk op 'n voorafbetalingsmeter, maar die eenhede hou redelik lank. Ons het R100 per lugversorger vir 3 aande gekoop en daar was nog eenhede oor aan die einde. Die huis is mooi modern binne, die meubels is mooi, die beddens is mooi oorgetrek en gemaklik om op te slaap, en die WiFi is vinnig genoeg om musiek te luister of YouTube te kyk. Let wel, die skadunet wat in die fotos oor die plonspoel is, is nie meer daar nie, so as mens in die somer in hom wil sit, sit mens ongelukkig direk in die son vir meeste van die dag. Ons het baie wild gesien van die stoep af: baie sebras, blouwildebeeste, baie vlakvarke, 'n kameelperd, ens. Die ligging naby die rivier is perfek vir besoekers wat so veel as moontlik diere wil sien. Die paaie na Marloth Sanbonani toe was ook mooi ten spyte van reën vroeër die week.

Wonderlike, rustige week. Beste ondervinding met diere! Die huisie is baie oulik en gerieflik. Daar kan dalk na nuwe beddens/matrasse gekyk word. Verder was als regtig wonderlik.

Baie lekker gebly! Geen badhanddoeke, skoppie was gekraak.

Dit was 'n lekker blyplek. Grondpaaie net 'n bietjie rof. Die aanwysings oor waar jy jou sleutel moet kry, is verwarrend. Jy kry dit nie by die hek soos gedink nie, maar vorentoe by die mall by Field Service Security groep. Dit kan meer duidelik aan kliënte gemaak word dat dit nie by die hek, wat ons gedink het die Field Service Agent by is, verkrygbaar is nie.

Baie gerieflike plek. Alles wat mens nodig het vir 'n naweek wegbreek. Ons het baie lekker gerus en avontuur geniet in die oulike plekkie.

Heerlik ontspan. Baie lekker plek om te bly met al die wilde diere wat kom kuier.