Rustig in die natuur. Ons het so 'n wonderlike kuier by Marty's Place gehad. Die kamers was baie goed toegerus en dit is so gerieflik dat elke kamer 'n en suite badkamer het. Die braaiarea met die lekker groot stoep het verseker bygedra tot 'n baie gerieflike kuier. Die kinders het die swembad vreeslik geniet en dit was so lekker dat die diere so gereeld kom inloer. Die kombuis is baie goed toegerus en het alles wat 'n mens moontlik nodig het. Die foto's is presies wat jy kry by Marty's Place. Hulle is baie vriendelik en het ook baie geduld gehad met my kinders wat baie vrae gehad het. Hulle het ook moeite gedoen om vir hulle diere uit te wys. Ons sal beslis weer kom kuier!

Marlothpark bly maar een van ons gunsteling vakansie plekke. Die kombuisarea wat bo is, was effe ongemaklik, maar daar was darem 'n klein yskassie onder. Kombuis het alle nodige geriewe. Kinders het die pooltafel baie geniet, net jammer dit was ongemaklik warm bo met slegs waaiers. Skerms aan die kante kon ook nie oopgemaak word vir 'n bietjie ventilasie nie. Gaste moet maar liefs eie kussings saamneem aangesien daar slegs 1 kussing per persoon voorsien word. Neem ook toiletpapier saam aangesien dit nie voorsien word nie. Was baie behulpsaam. Die huisie is halfpad tussen die rivier en die winkelsentrum, dus het dit 'n lekker ligging. Elke kamer het aircon en 'n eie badkamer wat gerieflik was. Die braai area was ook gerieflik en is daagliks skoongemaak. Daar was gereeld diere wat ons kom besoek het.

Heerlik gekuier, maar die plek kort aandag. Martys is uitstekend geleë en ons het heerlik gekuier met die diere. Die eienaars is baie vriendelik en behulpsaam. Ongelukkig is die opsigters nie in staat om alleen na die plek om te sien sonder toesig/leiding nie. Emanual het geen poging getoon om die swembad weer in werking te kry nie. Selfs nadat die swembaddienste ontbied is en hom touwys gemaak het nie, het hy geen belangstelling daarna getoon om die swembad se motor aan te skakel nie. Hy doen regtig die minimum. Agnus is a sweetie, maar sy is kort met 'n seer voet en kon dus nie op 'n stoel klim om skoon te maak nie.

Rustig en tuis gevoel en beleef. Baie lekker dankie. Die gasvrou is duurbaar en vriendlik. Ons almal het dit baie geniet.

Uitstekend. Waarlik 'n juweel in die bos. Met aankoms was Emanueel en Agnes gereed om ons te ontvang. Alles was skoon en reg. Verblyf was van hoogstaande gehalte. Diere het ons gereeld besoek en ons het lekker afgekoel in die splash pool. Het net lekker ontspan. Nie eers load shedding kon ons demp nie. Agnes het gesorg dat alles skoon en reg was. 10 uit 10.