Beskrywing

Meermin BK is 'n trippelverdiepingvakansiehuis wat in Uvongo aan die Suidkus van KwaZulu-Natal, net 5 km noord van Margate, geleë is. Die ruim huis bied pragtige see-uitsigte vanwaar dolfyne en walvisse gereeld gesien kan word. Dit is binne stapafstand vanaf Uvongo-strand en dis na aan winkelsentrums.

Die huis bied slaapplek vir tot 12 gaste en het 4 slaapkamers en 3 badkamers. Daar is 3 dubbelkamers op die tweede vloer met 180°-uitsigte oor die see en daar is 'n enkelkamer op die grondvloer. Verder is daar ook 'n groot oopplan-speletjieskamer op die grondvloer met slaapplek vir 3 jongmense wat deel.

Meermin het 3 badkamers waarvan 2 op die tweede vloer is - die 1 het 'n stort en die ander het 'n bad. Die derde badkamer is en suite met die kamer op die grondvloer en beskik oor 'n bad.

Die middelste verdieping van die huis het 'n ongelooflike mooi dek met see-uitsigte en 'n braai-area waar jy lekker saam met jou geliefdes kan kuier. Die oopplan-kombuis, -eetkamer en -sitkamer beskik oor 'n eetkamertafel vir 6 mense en gemaklike rusbanke en stoele waar 'n mens TV op die platskerm-TV kan kyk. Die klein kombuis is toegerus met 'n stoof, oond, mikrogolf, broodrooster, 2 yskaste en 'n vrieskas.

Ander geriewe sluit in: Parkeerplek vir 3 voertuie onder die sondek en 'n nie-outomatiese wasmasjien. Waaiers en 'n bababed word voorsien. Die huis word beveilig deur 'n laserstraal-alarmstelsel met gewapende reaksie. Die eiendom is nie volledig omhein nie, maar daar is genoeg veilige areas vir kinders om te speel.

Neem asseblief kennis: Hierdie huis is 'n gesinsvakansiehuis en geen studente- en of matrikulantgroepe word toegelaat nie.