Baie lekker gekuier en baie rustig en stil. As jy lief is vir stilte en die mooi en geluide van die plaaslewe is dit die plek vir jou met gasvrye, vriendelike mense.

Baie aangename verblyf in mooi omgewing. Die omgewing is ongelooflik mooi, veral in die blommetyd. Die pad soontoe kan uitdagend wees, veral na reën. Aandag aan klein goedjies soos sepie en klein handdoekie in badkamer sal nogal help. Verblyf was aangenaam en omgewing besonder mooi.

Ek sou permanent hier kon bly! Heerlik! Die perfekte plekkie om te kom rus - geen TV en geen selfoonsein! Die natuur is onbeskryflik mooi en die plaas bring 'n rustigheid wat heerlik is. Die huise is goed toegerus en baie netjies. Esmi en Phillip is baie vriendelik en hulpvaardig. Ons sou werklik sommer permanent hier kon bly.

Baie rustige omgewing om van die gejaag weg te kom. As jy rustigheid wil hê is hierdie die plek waar jy moet kuier. Esmi het ons by aankoms welkom laat voel. Alhoewel dit 'n werkende plaas is, was geen van die aktiwiteite steurend nie. Die huisie is gerieflik klein met alles wat jy benodig byderhand. Hou van die oudhede in die dekor. Kasper die groot hond is ook baie vriendelik. Sal beslis weer daar aangaan as dit op ons roete is. Sal volgende keer in die Blommehuisie wil bly.

Maklik, plaasgasvryheid en regtig die moeite werd as jy in dié kontrei is. Ons het baie lekker gebly en ons dogter van twee het die plaasdiere ongelooflik baie geniet! Dis jammer ons het net een aand gebly, maar ons was op pad na die Kgalagadi. Definitief 'n aanbeveling as jy deur die Namakwaland reis!

Kreatief en interessante plekkie. Rustige plek op 'n werkende plaas. Esmi het mooi plekkies op die plaas uitgewys wat ek self kon gaan verken. Pragtige paadjies waar dit net jy en die natuur is.

Die rustigheid van die platteland op sy beste! 'n Oorblyplek wat ek enige tyd sal aanbeveel! As jy vars lug, rus vir jou siel en die wydheid wat net 'n plaas jou kan bied wil hê, is Grootvalleij jou bestemming. Ons gasvrou was vriendelik en hulpvaardig en Kasper ('n Golden Retriever) ons persoonlike lyfwag, en toergids op ons stappie na die blommeveld toe. En ek het nog nêrens die sterre gesien soos daar nie!

Het heerlik uitgespan in 'n pragtige netjiese huisie in 'n stil omgewing - net wat liggaam en siel benodig het. Sal hierdie plekkie regtig aanbeveel vir iemand wat rustigheid vir die liggaam en siel soek. Sal ook perfek wees vir groepe vriende wat hier wil uitspan en ander pragtige plekke wil besoek en dit as n basis punt wil gebruik. Bietjie ver na Port Nolloth maar ons het die geleentheid gebruik om daardie deel van die wêreld te verken. Sal dit weer doen! Ontvangs deur die eienaars van die plaas, Mari en Corrie was hartlik - baie gasvrye mense. Het lekker met Gus, ons nuwe vierpotige vriend, gekuier. Net so vriendelik soos sy mense. Baie dankie!

Lieflike, interessante huisie. Lieflike, interessante huisie in 'n pragtige omgewing. Rustig en absoluut veilig.