Beskrywing

Melkbos 16th Avenue is 'n selfsorg-vakansiehuis in Melkbosstrand. Dit is ideaal vir 'n gesin wat op soek is na gerieflike verblyf naby die strand en weg van die gedruis van die stad.

Die huis beskik oor 4 slaapkamers en 3 badkamers met storte en is ten volle gemeubileer. Drie van die slaapkamers het 'n koningingrootte- of dubbelbed en die ander slaapkamer het 'n dubbelstapelbed vir kinders. Daar is nie baddens nie. Elke kamer het ingeboude kaste. Die leefarea is oopplan met 'n braai en die volledig toegeruste kombuis het 'n yskas-vrieskas, 'n mikrogolfoond, lugbraaier, 'n oond met 'n stoof en oorgenoeg ingeboude kaste om eetgerei, breekware en ander toebehore te stoor. Gaste kan hul maaltye om die sessitplek-etenstafel geniet, of by die toonbank met 4 stoele.

Dié area lei na 'n stoep via stapeldeure. Die stoep het gerieflike en netjiese rusbanke. Gaste kan ontspan op die stoepmeubels en in die plonspoel afkoel, of gebruik maak van die buitebraaigeriewe. Daar is ook 'n trampolien vir kinders.

Parkeerplek vir 2 voertuie is buite op die perseel beskikbaar. Melkbos 16th Avenue is net 3 minute se stap van die strand af en 'n kort entjie vanaf restaurante. Ons is net 'n entjie se ry van verskeie besienswaardighede aan die Weskus af.