Wonderlike wegbreek! Die stilte was goed vir die siel en die 360 grade-natuurskoon was 'n groot bederf. Ons was vriendelik ontvang, met Marzanne wat beskikbaar was vir enige vrae. Sam was 'n ongelooflike gids gewees wat die wildrit so interessant gemaak het! Namiddag stap op die plaas was heerlik. Die kothuis was baie goed toegerus - ons het niks gekort nie. Die hot-tub was 'n lekker bederf en die pizza-oond het die ervaring sommer net nog meer pret gemaak. Selfs die vlieë kon nie 'n groot genoeg demper op die kuier sit nie!

'n Wonderlike wegbreek. Dit was fantasties om vir 'n paar dae heeltemal in die natuur te wees. Net stilte en mooi uitsigte. Ons het dit veral geniet om te gaan stap met ons hond. Ook om op die stoep te sit en te kyk na die wilde diere wat verby kom. Marzanne het ons op 'n puik game drive geneem. Alles het bygedra daartoe dat ons enige tyd weer Melozhori sal besoek.

Ons het die naweek-wegbreek vreeslik geniet. 'n Moet-besoek vir enigeen wat stiltes en die oop vlaktes van die natuur waardeer en kwaliteit-tyd saam vriende of familie wil spandeer, weg van die stad se gedruis. Hier kan jy net jou skoene uitskop en ontspan. Die kothuis is ongelooflik skoon en netjies en voorsien in al die basiese behoeftes vir 'n lekker naweek se ontspan en kuier om die vuur of voor die kaggel. Ons is met ons aankoms baie vriendelik ontvang deur Marzanne en het dadelik tuis gevoel. Die reservaat is goed geleë en bied jou die privaatheid van 'n wildreservaat maar is naby genoeg aan Robertson of Bonnievale indien jy 'n winkel sou nodig kry of die omliggende wynplase wil besoek. Die wildsrit is 'n moet vir enigeen wat die reservaat besoek en 'n lekker interaktiewe manier om meer oor die reservaat en sy verskillende wildspesies te leer. Marzanne, wat ook ons gids was op die wildsrit, is goed ingelig en praat met insig en kennis. Ons oulike "besoekertjies" elke oggend op die grasperk voor die kothuis het ook die besoek net nog meer spesiaal gemaak. Ons sal beslis in die toekoms weer by Melozhori wil oorbly.

'n Heerlike week van rus in 'n pragtige, stil omgewing. Ons het die tyd by Melozhori baie geniet. Die huis is skoon, gerieflik en goed toegerus. Die feit dat ons die enigste gaste was is 'n pluspunt. Baie vriendelik en behulpsaam. Die 'game drives' was great.

Uitstekend. Uitstekende diens en baie privaat.

'n Uitstekende plekkie om te ontdek, net 2 ure van Kaapstad af. 'n Klomp skaars bokspesies. Verblyf in goeie toestand en volledig gemeubileer. Ons was mal oor die besoeke deur die perde en bokke! Lieflike wildrit saam met Jacques en 'n klomp bokspesies om te sien, insluitend swart- en witstert-wildebeeste wat ons nog nie vantevore gesien het nie. Lekker om ons klein worshondjie saam te kon neem! Ons was die naweek daar omdat die Cape Argus gekanselleer is oor die onverwagte windvlae - wat ook een van die slaapkamerdeure afgewaai het! Dit het als tot die gevoel van avontuur bygedra, want ons het basies buite geslaap!