Beskrywing

Micasa Sucasa is 'n gerieflik gemeubileerde selfsorg-eenheid vir 4 mense in Reebok, Kleinbrak.

Die woonstel is in 'n rustige area op die eienaar se perseel geleë en beskik oor 1 slaapkamer, 1 badkamer, 'n kombuis, 'n eetarea en 'n sitkamer. Die slaapkamer is ingerig met 'n koningingrootte-bed, asook 2 dubbelslaapbanke in die sitkamer, en die badkamer is toegerus met 'n stort, 'n wasbak en toilet. Gerieflikheidshalwe word linne en badhanddoeke voorsien, en gaste moet asseblief hul eie swemhanddoeke saambring.

Die oopplan-kombuis is toegerus met 'n stoof, gasplaat, lugbraaier, 'n mikrogolfoond, 'n yskas, eetgerei en breekware asook tee- en koffiemaakgeriewe, en etes kan by die etenstafel geniet word. Koffie, tee, suiker, 1 liter melk, en beskuit word met aankoms voorsien, asook 1 sak hout en vuuraanstekers. 'n Gemeenskaplike waskamer is beskikbaar vir gaste om te gebruik, en sunlight Liquid, Handy Andy, en stortskoonmaker word voorsien.

Die woonstel het 'n gasgeiser en daar is ook 'n omskakelaar.

Gaste kan ontspan in die sitkamer wat toegerus is met 'n TV met 'n volledige verskeidenheid DStv-kanale, asook WiFi-toegang, en lei na 'n patio met sitplek, braaigeriewe en 'n kroeg. Daar is 'n grasperk vir kinders om te speel en bordspeletjies is beskikbaar vir reënerige dae.

Micasa Sucasa is 1 km van Reebokstrand af geleë vir strandjag, veilige swem in die getypoel, en die dorpie is net 4 km vanaf Klein Brak-strand en strandmeer, 18 km vanaf Mosselbaai, en 30 km vanaf George vir gaste wat wil verken.