Beskrywing

Midrand Kamp is 'n bekoorlike kampeerterrein op die eienaar se perseel in 'n veilige kompleks in Midrand. Die sentrale ligging maak dit die ideale bestemming vir sakereisigers, maar Midrand is ook 'n gewilde perderuiter-streek met residensiële landgoedere en stil agterstrate waar toeriste en vakansiegangers lekker kan afskakel.

Die kampeerterrein het ruimte vir 6 gaste en is geskik vir 'n tent of 'n karavaan. Die kampeerterrein is in 'n boomryke deel van die perseel en het toegang tot ablusiegeriewe met 'n stort. Gaste het ook toegang tot 'n lapa met 'n yskas-vrieskas, etenstafel en 'n pool-tafel.

Daar is ook 'n gemeenskaplike swembad en veilige parkeerplek op die perseel.

Die inwoners gebruik die afgesperde paaie in die kompleks as 'n draf- en fietsrypad, en besienswaardighede in die omgewing sluit Gold Reef City, die Kyalami-renbaan, gholfklubs, winkelsentrums, restaurante, and diere-reservate in.