Misty View

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Hartingstraat 543, Dullstroom, 1110, Mpumalanga
Vanaf R1 890 per nag (plek vir 2)

Beskrywing

Misty View is vernoem na die pragtige uitsig op die berge in Lydenburg se rigting en die uitsig van die mis oor die heuwels in Dullstroom.

Daar is 3 eksklusiewe selfsorg-ateljee-eenhede op die perseel. Eenheid 1 het 'n oopplan-sitarea met 'n gaskaggel en 'n kombuis wat met 'n tweeplaatgasstoof, mikrogolf, yskas, broodrooster, tee- en koffiemaakgeriewe, eetgerei en breekware toegerus is. Die slaapkamer het 'n koninggrootte-bed met ekstra komberse indien nodig en 'n en suite-badkamer met 'n bad, stort, toilet en wasbak. Verder is daar 'n TV met sekere DStv-kanale.

Eenheid 2 is kleiner as Eenheid 1 en het 'n oopplan-sitarea met 'n kaggel en 'n kombuis wat met 'n tweeplaatgasstoof, mikrogolf, yskas, broodrooster, tee- en koffiemaakgeriewe, eetgerei en breekware toegerus is. Die slaapkamer het 'n koninggrootte-bed en 'n en suite-badkamer met 'n stort, toilet en wasbak. Verder is daar 'n TV met sekere DStv-kanale.

'n Verwelkomingspakkie met tee en koffie word voorsien.

Die instansie gebruik sonkrag so die krag sal nie af wees wanneer beurtkrag inskop nie. Die meubels in die eenhede is nuut, modern en luuks. Veilige parkeerplek word op die perseel voorsien.

Die eenhede is naby die middedorp wat spog met restaurante, winkels, galerye en kroeë.

Kry ’n Kwotasie