Mitat Penthouse

Selfsorg

Kapasiteit: 10 persone
Geen kinders onder 12
Inkloktyd: 15:00 tot 20:00
Uitkloktyd: 10:00
Adres: Hill-straat 115, Mosselbaai, 6505, Wes-Kaap
Vanaf R900 per nag (plek vir 4)

Beskrywing

Mitat Penthouse is in Mosselbaai in die hartjie van die Tuinroete geleë.

Verblyf is beskikbaar in 2 selfsorg-eenhede met slaapplek vir 4 in Shalom, en 6 gaste in Mitat Penthouse.

Die Penthouse het 3 slaapkamers met plafonwaaiers en 2 badkamers. Die oopplan-kombuis is met 'n stoof, oond, mikrogolfoond en yskas toegerus. Daar is 'n etenstafel. Die leefarea lei na 'n stoep met 'n lieflike see-, hawe- en berguitsig. Parkeerplek is beskikbaar in die dubbelmotorhuis. Die Penthouse-eenheid het 'n alarmstelsel en gaste het toegang tot draagbare braaigeriewe op die balkon.

Shalom is 'n tweeslaapkamer-eenheid wat nie geskik is vir kinders onder 12 nie. Beide slaapkamers het skuifdeure wat na die tuin lei en 'n see-uitsig bied. Die eenheid het 'n oopplan-leefarea en -eetarea, asook 'n kombuisie. Die kombuisie is met 'n yskas, mikrogolf, stofie met oond toegerus. Daar is 'n braai-area voor die eenheid. Let dat dié eenheid nie 'n TV het nie, en gaste moet hulle eie internetstokkie saambring wanneer hulle Shalom bespreek. Die eenheid het ook nie 'n motorhuis nie, maar het wel parkeerplek vir 1 voertuig op die perseel agter die wooneenheid.

Mitat Penthouse en Shalom is net 600 m van die Bayside-sentrum, 700 m van die Diaz-museum en 900 m van die hawe af. Mosselbaai bied 'n verskeidenheid besienswaardighede en aktiwiteite soos 4x4-roetes, visvang en bergfietsroetes.

Kry ’n Kwotasie