Beskrywing

Mountain View Ranch is 'n selfsorglodge wat op 'n plaas in privaat besit, net onder die Highmoor Natuurreservaat geleë is. Dit is ideaal vir buitelugentoesiaste, 'n groot groep of 'n gesin wat op soek is na 'n rustige wegbreek.

Dié plaashuis beskik oor 6 slaapkamers en 'n ruim oopplan-leefarea. Vyf van die slaapkamers het elk 'n koningingrootte-bed en die sesde slaapkamer het 2 dubbel-stapelbeddens vir 4 kinders wat in 2 enkelbeddens vir volwassenes omskep kan word. Elke slaapkamer het 'n muurverwarmer, elektriese kombers en 'n waaier. Elkeen van die slaapkamers spog met 'n berguitsig en lei na 'n groot stoep wat om die huis strek en buitesitplek het.

Die ruim kombuis is met 2 yskas-vrieskaste, 'n gasstoof, stoof, mikrogolfoond, ysmasjien, Nespresso-masjien en 'n groot etenstafel toegerus. Die kombuis lei 'n piazza-area met 'n kaggel, etenstafel en 'n pizza-oond. Die sitarea het gemaklike rusbanke en 'n kaggel en lei na 'n onderdakstoep wat om die huis trek en 'n eetarea, 'n gas- en 'n Weber-braai, uitsig oor die kampe en op die Libanonberg het. Daar is ook 'n boma-kaggel met 'n houtvuurwarmbad en 'n plonspoel.

Daar is 'n buite-speletjieskamer met 'n pooltafel, tennistafel, tafelsokker en 'n veerpyltjiebord.

Die plaas is 24 hektaar en het velde met Nguni, perde, blesbokke en tarentale wat vrylik in die weiveld rondloop. Gaste kan na die dam stap en daarin swem of kunsvlieghengel.

Die Kambergvallei bied 'n wye verskeidenheid aktiwiteite soos fietsry, staproetes, kunsvlieghengel, perdry en bergklim, om maar 'n paar te noem.