Beskrywing

Mountainview Guesthouse is op die N4-hoofweg en slegs 17 km vanaf Mbombela (Nelspruit) se SSG geleë. Ons is sowat 30 km vanaf Sabie en 85 km vanaf die Malelane-hek na die Krugerwildtuin.

Verblyf is beskikbaar in 'n selfsorg-eenheid vir 4 en 'n selfsorgkamer vir 2. Die selfsorg-eenheid vir 4 het 'n dubbelbed en 2 enkelbeddens, asook 'n badkamer, sitkamer en 'n aparte kombuis en stoep. Daar is ook lugversorging, tee- en koffiemaakgeriewe en 'n TV met sekere DStv-kanale. Die selfsorgkamer vir 2 het 'n dubbelbed en 'n badkamer met 'n stort.

Mountainview Guesthouse het meer as genoeg parkeerplek, ook vir jou waentjie of boot. Daar is ook verskeie plaasdiere in 'n groot tropiese tuin. Jy kan ook braai of swem in ons rotsswembad. Hier kan jy heerlik voëlkyk of vir 'n opwekkende stappie deur die vrugteboorde gaan.