N&A Guest House

Selfsorg

Kapasiteit: 16 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Zitastraat 446, Garsfontein, Pretoria, 0081, Gauteng
Vanaf R750 per nag, vir 2 mense

Beskrywing

N&A Guest House bied bekostigbare selfsorgverblyf in die hartjie van Garsfontein in Pretoria-Oos. Gerieflike verblyf vir sakelui en vakansiegangers word aangebied.

Die eenhede is skoon en gerieflik en die personeel is vriendelik en tot gaste se diens.

Die eenhede het dubbelbeddens en/of dubbelstapelbeddens en maak voorsiening vir 'n gesin van 2 tot 7. Elke eenheid het 'n platskerm-TV met plaaslike kanale, M-Net, DStv se sport- en fliekkanale. Die kombuis is volledig toegerus met 'n yskas-vrieskas, stoof, mikrogolfoond en ketel. Daar is komplimentêre koffie en tee.

Die tarief is per persoon wat deel. Indien slegs 2 gaste die tweeslaapkamereenheid bespreek sal een kamer gesluit word. Indien twee kamers vereis word vir 2 gaste sal daar 'n addisionele fooi betaalbaar wees.

Elke eenheid het 'n werkstasie met 'n lessenaar en 'n lampie. 'n Kluis, DVD-speler en radio-wekker sowel as gratis WiFi is beskikbaar. Die eenhede word daagliks skoongemaak en die handdoeke word elke dag omgeruil, behalwe oor naweke en openbare vakansiedae.

Die kompleks is veilig met 'n elektriese heining en kameras, en daar is veilige parkeerplek op die perseel wat gekoppel is aan 24 uur-gewapende reaksie. 'n Swembad en braaiplek is beskikbaar aan gaste. Ons is in die woonbuurt se hoofstraat geleë so normale geraas van verkeer is te verwagte.

Rook is verbode in die eenhede en troeteldiere word ongelukkig nie toegelaat nie.

Kry ’n Kwotasie