Presies aan ons behoeftes voldoen. Stil, boomryke straat, veilig, netjies. Sommer baie lekker gebly. Die woonstel is uiters goed toegerus, baie netjies en ideaal vir ons verblyf tydens die konferensie wat ons bygewoon het.

Was daar vir sporttoernooi. Olivelli Selfsorg was perfek geleë naby die skool. Olivelli Selfsorg was baie goed toegerus en presies soos beskryf. Die eienaar het ons dadelik welkom laat voel. Die eenheid is baie netjies en skoon, presies soos die foto's. Veilige onderdakparkering.

Die vrymoediging en vriendelikheid is ongelooflik. Lyk presies soos op internet. Meer as genoeg voorsiening in alle opsigte vir besoekers. Mens voel veilig, vry en privaat en jou voertuig is veilig. Selfs met beuetkrag het ons ligte gehad en eienaar het ons baie goed behandel. Sal beslis van hul dienste weer gebruik maak. Baie dankie vir baie goeie diens.

Uitstekend! Diens is puik. Ligging is uitstekend. Die fasiliteit is silwerskoon. Uitstekende verblyf met puik diens en 'n baie skoon fasiliteit.

Ons verblyf by Olivelli Selfsorg het eerlikwaar van begin tot einde gevoel soos "huis weg van die huis af". Die eienaar, mnr. Steve de Villiers, is werklik 'n fenomenale mens. Sy opregte vriendelikheid, ongeveinsde gasvryheid en deurlopende gewilligheid om my eggenote en myself op welke wyse dan ookal tot hulp te kom en in alle opsigte welkom en gemaklik en veilig en ontspanne te laat voel, was eenvoudig merkwaardig. My vrou en ekself reis gereeld oorsee en het ons verblyf by mnr. De Villiers-hulle is regtig heel bo-aan ons lysie van al die baie, baie plekke waar ons al moes oornag. Dit is en bly vir ons 'n besondere voorreg om met hierdie wonderlike familie en hulle opregte omgee-gesindheid vereenselwig te mag word.