Beskrywing

Jbay on the Rocks is 'n pragtige huis by die strand in Kabeljous, Jeffreysbaai. Dié selfsorgvakansiehuis het slaapplek vir 6 volwassenes en 4 kinders en is ideaal vir 'n groep vriende, paartjies of 'n groot gesin.

Die hoofslaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die tweede en derde slaapkamer het elkeen 'n dubbelbed. Die tweede badkamer het 'n stort, toilet en 'n wasbak. Die vierde slaapkamer het 'n dubbelbed en 'n enkelbed, en 'n en suite-badkamer met 'n bad, toilet en 'n wasbak. Die vyfde slaapkamer het 2 stapelbeddens en bied toegang tot 'n aparte badkamer met 'n stort, toilet en 'n wasbak.

Die oopplan-kombuis is met 'n stoof, oond, yskas-vrieskas, wasmasjien, skottelgoedwasser, ysmasjien, mikrogolfoond, eetgerei en breekware toegerus. Daar is ook 'n ontbythoekie. Die leefarea het 'n etenstafel, gemaklike rusbanke en 'n TV met 'n DStv-koppelpunt. WiFi word voorsien.

Die skuifdeur in die leefarea lei na 'n stoep met sitplek waar gaste agteroor kan sit en die asemrowende see-uitsig kan bewonder.

Jeffreysbaai is bekend vir branderplankry en wat dit onderskei, is dat die koue water van die Atlantiese Oseaan en die warm strome van die Indiese Oseaan gekombineer word om die beste, hoë golwe te skep. Die Supertubes is sowat 1 km ver en die Albatros-branderplankryplek, waar die dolfyne baljaar, is reg voor die huis. Walvisse besoek ook die baai in September. Jeffreysbaai het 3 Blouvlagstrande en Kabeljousstrand is sowat 400 m ver. Die strand strek oor 11 km en besoekers kan tot by die Gamtoosrivier stap. Visvang, diepseeduik, branderplankrylesse, sandplankry, fietsritte langs die see en perdry-uitstappies is maar net van die aktiwiteite wat in die area beskikbaar is. Jeffreysbaai is ook die Oos-Kaap se calamari-bedryfsmiddelpunt en vars seekos is volop by die dorp se restaurante. Daar is ook baie koffiewinkels. Die Fountain Mall is net 10 minute ver, asook Surf Village wat die bekende Billabong-winkel en ander bekende winkels insluit.