Ons Sink Huisie @ Leeupoort

Gastehuis

Kapasiteit: 8 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Cosmos Paaidjie, Leeupoort Vakansiedorp, 0486, Limpopo
Vanaf R1 000 per nag (plek vir 8)

Beskrywing

Ons Sink Huisie @ Leeupoort is 'n gastehuis wat rustieke styl selfsorgverblyf in die Leeupoort Vakansiedorp bied en is ideaal vir gaste wat hou van wildkyk en die bosveld. Die Leeupoort Vakansiedorp is op die R516 net 50 km van Thabazimbi, 72 km van Bela-Bela, 90 km van Brits en 172 van Pretoria af.

Die gastehuis bied slaapplek aan 8 gaste in 4 gastekamers wat elk sy eie privaat badkamer het. Die eerste 2 slaapkamers het elkeen 'n koningingrootte-bed en die ander 2 slaapkamers het elkeen 2 enkelbeddens. Beddegoed word voorsien en elke bed het 1 kombers in die winter, maar gaste moet hul eie badhanddoeke saambring.

Gaste deel die gemeenskaplike kombuis, eetarea en leefarea. Die kombuis is met 'n gasstoof, oond, mikrogolf, yskas, kisvrieskas en 'n skottelgoedwasser toegerus. Die sitarea het 'n TV met OpenView-kanale en 'n klankstelsel. Daar is ook 'n buitebraai-area/vuurput, 'n stoep en 'n plonspoel.

Die Leeupoort Vakansiedorp het 'n restaurant, winkel, drankwinkel en 3 swembaddens. Daar is ook verskeie uitkykpunte op die Waterberg, 4x4-, voetslaan- en fietsroetes, asook piekniek- en swemplekke. Gaste het toegang tot die reservaat wat die tuiste van sowat 50 soogdierspesies, 170 voëlspesies en 114 boomsoorte is. 'n Verskeidenheid wild waaronder vlakvarke, sebras, kameelperde, koedoes en blouwildebeeste kan gewaar word. Die diere wandel vrylik in die strate rond en wei tussen die huise.

Kry ’n Kwotasie