Lekker rustig. Ons het die tyd by Oryx Game Camp baie geniet. Ons het elke dag op die plaas gestap en zebras, Eland, en rooi bokke gesien. Dis lekker rustig en die kampterrein is groot en privaat. Die weer het nie saamgespeel nie, so ons kon ongelukkig nie swem nie, maar dit gee ons 'n verskoning om weer te gaan! Alet is baie vriendelik en behulpsaam.

Gerieflik en rustig. Ongelooflik lekker gekamp. Ablusiegeriewe was uitstekend. Lekker rustig met baie voëls. Groot staanplekke, boma-area and silwerskoon swembad. Die nagapies was ons hoogtepunt.

Baie rustig en skoon. Baie rustig en gronde is skoon en netjies. Ablusies is klein maar voldoende. Opwas area is bietjie klein. Lekker warm water met die gas geyser. Lekker gras staanplekke onder die bome en lekker groot braai plekke.

Baie lekker plek, diens het aandag nodig. Pragtige plek, baie rustig, naby aan Pretoria, baie wild om te sien. Ablusie fasiliteite was nie skoon nie, ook nie skoon gemaak selfs nadat ons gevra het nie. Vuur as en asblikke nie daagliks skoon gemaak nie.

Potentiaal vir groot kuier maar netheid problematies. Die plek het baie potensiaal en veral die kuiers om die boma was heerlik. Louis was baie gaaf en het elke dag vir ons 'n paar stukke hout kom neersit vir 'n lekker kampvuur. Dit is baie stil en 'n plek waar 'n mens sielerus kry. Die staanplekke is baie ongelyk en daar is geen plek waar 'n karavaan gelyk kan parkeer nie, die swembaddens lek almal en die direkte omgewing om die swembaddens is rooi grond. Die onmiddellike omgewing is slordig - daar lê oral bakstene en ander afval rond - jy word begroet aan die regterkant wanneer jy skaars deur die hekke gery het, deur 'n industriële wasmasjien herwinningswerf! Die dam is grasgroen en oortrek van een of ander plant. 'n Waterpyp het gebars terwyl ons daar was en alhoewel Louis gou op sy pos was, het hy geen behoorlike materiaal of gereedskap gehad om dit behoorlik reg te maak nie, hy het maar net die pyp afgebind. Hierdie plek het soveel potensiaal maar nie in sy huidige formaat nie. Die eienaar sal goed doen om 'n LTB te huur en al die hope wat orals versprei lê plat te stoot, die kamparea gelyk te maak, gras te plant en in die algemeen net 'n netjieser plek te skep.

Rustig en lekker. As jy kan niksdoen vir dae aan een sal dit jou perfek pas. Dit was 'n heerlike naweek met ons eie badkamer, kombuis, boma en swembad. Lieflike natuurskoon. Ongelukkig was daar net bitter min wild 3 x sebras, 1 x wildebees en so handjievol rooibokke. Almal baie bang vir mense en ons het hulle min gesien.

Lekker rustige naweek geniet op Oryx. Sien sterre.

Lekker privaat. Baie netjies. Ons kon lekker stap. Rustige wegbreek naweek.

Veilig, gerieflik, skoon. Rustige wegbreek saam met klein kinders.