Fantastiese kuier in die Baviaanskloof. Dit was heel lekker verblyf in die Baviaanskloof. Ons het in Oupatjie tuisgegaan en die eenheid is meer as voldoende ingerig met alle benodighede. Dit is klein, maar ons was uit gedurende die dag. Daar is 'n groot grasperk vir kinders en honde om van ekstra energie ontslae te raak, en letterlik 50 meter af in die pad is die Baviaans padstal met die beste skyfies ooit! Baie dankie aan Gerald wat goedgunstiglik gehelp het om my bakkie te

Ideale oornag bestemming. Ons het slegs een nag gebly en het dit baie geniet. Oupatjie was netjies en skoon. Daar is 'n mooi staproete in die berg. Die binnebraai was baie gerieflik met die koue winterweer. Ons sal Oupatjie definitief aanbeveel.

Sielerus. Die swembad was heerlike lafenis met die hitte. Onverwagste gasvryheid. Hier stap hulle die ekstra myl!

Asemrowende ligging en baie rustig. Baie sentraal gelë voor die ingang na die wildernis area. Die uitsig is asemrowend en ons het elke oggend en aand 6 skilpaaie op die grasperk gehad. Die blyplek self is netjies en baie gerieflik.

Heerlik rustig gewees. Sterre in die aand was ongelooflik. Ons was heerlik verras deur die (swembadjie) - Dit was heerlik om na 'n warm dag daarin af te koel. Die personeel was vriendelik en behulpsaam. Ons sal beslis weer daar bly.