Goeie waarde vir geld, insluitend heerlike ontbyt. Ons het die langnaweek by Outsiders B&B terdege geniet. Die kamer is netjies en skoon, met slegs die basiese oornagbenodigdhede toegerus. Katrin het ons van inligting omtrent die dorp voorsien en ons het die ontdekkingsreis terdege geniet. 'n Fees van fynproewer restaurante, kuns en geskiedenis oor die Karoo geniet en saans veilig in die strate gestap. Ons twee honde het saamgereis en die woonplek en die dorp is troeteldiervriendelik.

Verblyf en kuier in Nieu-Bethesda het my verwagtinge oortref. Sal weer besoek. Ek is baie vriendelik ontvang deur die eienaar. Die verblyf was skoon, netjies en baie goed geleë. Die eienaars is werklike ambassadeurs vir Nieu-Bethesda.

Fantasties. Sien ons weer! Uitstekende diens en vriendelike ontvang.

Sal vir seker weer daar gaan kuier. Baie lekker gebly. Gasvrou en gasheer het alles maklik gemaak en tuisgemaakte brood in die oggend - ek sê niks verder nie.

Net een nag oorgeslaap. Heel aangenaam dankie.

Pragtige dorpie met baie om te sien. Netjies. Geriewe baie basies vir die tarief per persoon per nag.

Stilte, sterre, samesyn. Die gasheer en-vrou is Nieu Bethesda Bittereinders. Hulle is gasvry, vriendelik en laid back. Ingesluit is 'n heerlike ontbyt, vars brood en regte koffie! Die B&B is troeteldier vriendelik.

Heerlike oorstop. Dit was heerlik om oor te slaap by Outsiders en om die volgende oggend wakker te word met heerlike ontbyt wat voorberei word vir jou in die huis.

Alles was netjies, en 'n verwarmer en warm kombers vir die koue was perfek! Die ligging is perfek, dis binne loopafstand van omtrent alles. Lekker gekuier met Ian en Katrin om die ontbyttafel, hulle is wonderlike gashere!