Perfekte ligging. Behalwe dat die plekkie knus op die roete terug Gauteng toe lê, is die mense wat dit bedryf twee engele. Niks is te veel moeite nie en hulle gasvryheid is ongeëwenaar. Ons het lekker gebly. Alles was silwerskoon en netjies. Plus die volgende oggend se alarm was lewendig en gratis (die mooiste hoenderhaan!).

Fantasties! Wonderlik en rustig!

Rustig. Die plek is uiters netjies, skoon, en gerieflik, met 'n baie lekker braaiplek. Die lugversorger in die slaapkamer was 'n wenner (dit was by aankoms 40 grade buite). Op die perseel is twee merkwaardige kerkgeboue, van 1922 en 1966 as ek reg onthou.

Gerieflike en veilige oornagplek tydens reis. Die Pastorie Huis is baie goed geleë langs die N1 hoofweg, ideale oornagplek vir reisigers. Dit is goed toegerus, ruim en veilig. Ons is vriendelik ontvang en alles was in werkende toestand. Die hoofkamer se bed is baie gerieflik en slaap baie lekker. Lekker beskutte buitebraai beskikbaar.

A wonderful stay over. It was wonderful and the host was pleasant.

Koel, netjies, vars, goed toegerus en stil. Kan dit aanbeveel. Beslis 'n plekkie waar jy kan ontspan en rus. Ons gasheer was deurentyd beskikbaar en baie behulpsaam. Aircon was reeds aangesit en die huisie was koel toe ons daar gestop het. Met 'n buitetemperatuur van 39 grade was dit beslis 'n lafenis. Uiters netjies en toegerus. Ek sal beslis weer daar inloer.

Waarde vir geld. Oornag verblyf. Dit was perfek vir ons.

Baie gerieflike oornagfasiliteit. Verblyf is netjies en skoon met die nodige geriewe vir oornag. Die gasheer sorg dat gaste gemaklik is en ook baie behulpsaam.

Goed geleë op die N1. Die Pastorie Huisie is perfek geleë tussen Beaufort Wes en Laingsburg. Die Huisie is skoon en netjies met alles wat ons nodig gehad het om te braai. Die beddens was gemaklik.

Heerlike rusplek op die langpad. Ons het heerlik gekuier en alles gehad wat ons nodig gehad het. Dirk het ons baie vriendelik ontvang.