Sakpas verblyf. Geskik vir kontrakteursverblyf. Ons het die Mighty Men-konferensie in Ashton bygewoon en die akkommodasie was op 'n baie hoë standaard. Dit word adverteer as kontrakteurstipe verblyf en nie geskik vir gesinsvakansies nie. Die woning was geskik vir ons doeleindes met 'n bed, kombuis, braai, stort en WiFi. Ons het lekker gebly.

Kombuis glad nie volledig toegerus. Gas vir gasstoof was op. Krane wat lek. bakke ens was vuil. Breekware baie min en swak gehalte. Die kombuis het my baie "upset" - glad nie skoon gevoel en gelyk nie. Matrasse is deurgelê. Kon netsowel op die vloer geslaap het. Tussen 3 kamers was daar nie een dubbelbed nie. Kon ten minste dit gesê het. In die jaard lê orals goed, bv. bou rommel, stukke planke ens, rond. Kombuis is regtig nie baie skoon en netjies nie. Kaste muf en val uitmekaar. Bakke in kaste is aangepak en vuil. Mens voel grillerig om enigiets in kombuis te gebruik. Ek sal beslis nie weer daar gaan bly of enige iemand aanbeveel om daar te bly nie. Dit was baie teleurstellend. Ons was net die vorige naweek vir presies dieselfde prys in Oudtshoorn by 'n nader plek. Daar is nie eens amper iets om te vergelyk nie! Nee wat, ek is baie teleurgesteld!

Sou graag die garage wou gebruik. Te min bakke om kos in te bêre vir die volgende dag. Die messe was baie stomp. Hulle kan op klein goedjies verbeter. 'n Tafel buite by die braai sou gaaf wees. Daar is nie genoeg plek om bakke op te sit nie.

Minimalisties, maar heel OK vir die doel waarvoor ons dit gehuur het. Ons was daar vir 'n skoolreunienaweek, wat vol bespreek was. Ons het dus net daar gestort en geslaap. Kombuiskaste het aandag nodig - al het ons dit nie gebruik nie, maar die res van die huis het aan ons vereistes voldoen. Ons het net die ketel en yskas gebruik - kan dus nie oor res van elektriese toebehore kommentaar lewer nie, alhoewel dit heel goed gelyk het.

Verblyf was aangenaam. Lekker ruim. Was bly dat daar 'n bad ook was en nie net 'n stort nie.

Oraait. Die foto's is nie hoe die plek nou lyk nie, amper geen blinds werk nie. Beddens was kliphard en die huis het 'n bedompige reuk.

Ons was net daar om te slaap, maar eintlik baie bly ons het net daar geslaap. Met aankoms was ons baie vriendelik ontvang deur die eienaar wat ons na die huis aan die oorkant van hulle primêre woning geneem het. Ons deur en vensters was oop en ons was baie dankbaar daarvoor, maar het klein goggas op die vloere aangetref en aangeneem dit was as gevolg van die oop vensters. Die volgende oggend vroeg weg, maar alles toegemaak om dieselfde te vermy. Die aand teruggekom en dit weer oral aangetref. Dis waar ons besef het dit is 'n "infestation". Buite die huis is 2 komposhope waar die goggas vandaan kom. Ek het met die eienaar gepraat en hy het gesê hy gaan definitief kyk na die probleem. Ek het hom ook gewys dat die kombuiskaste ook baie vuil was asook onder die rusbanke en die badkamer. As daar gekyk word na die netheid van die huis en die infestasie is ek seker dit sal 'n baie gemaklike slaapplek wees vir gaste. Dit het net 'n klein bietjie aandag nodig.