Pentzhaven Gastehuis

Gastehuis

Kapasiteit: 11 persone
Geen kinders onder 3
Inkloktyd: 14:00 tot 21:00
Uitkloktyd: 11:00
Adres: Pentz-rylaan 76, Table View, Kaapstad, 7441, Wes-Kaap
Vanaf R900 per nag, vir 2 mense

Beskrywing

Pentzhaven Guest House bied gerieflike B&B-verblyf in Tableview in die Noordelike Voorstede teenaan die kus. Die ligging is ideaal, naby die hoofroetes met maklike toegang tot die V&A Waterfront, die Stellenbosch-wynroete en die Weskus.

Die gastehuis is smaakvol ingerig met natuurlike Bushcraft-houtmeubels en ’n en suite-gesinskamer, 'n dubbelkamer met ’n en suite-badkamer en 2 kamers met 2 enkelbeddens elk en aparte, privaat badkamers. Al die kamers word skoongemaak en is ingerig met LED-TV's satelliet-kanale. Daar is ook 'n yskassie, koffie- en teemaakgeriewe, 'n bewaarkissie, noodligte, verwarming en verkoeling. Veilige parkeerplek word op die perseel agter veiligheidshekke voorsien. Gaste het ook toegang tot gratis vesel-WiFi. Verdere dienste wat verskaf word sluit in: wasgoeddienste, hulp met motorhuur en toere na Kaapstad en van die Wes-Kaap. 'n Braaiplek is beskikbaar vir jou gebruik. Ontbyt is ingelsuit en ons spesialiteit en sluit vars vrugte/vrugteslaai, vrugtesap, koffie, tee, ontbytgraan, plaaseiers op bestelling, spek, wors, sampioene, vars brood, broodrolletjies, konfyte, kaas, ens. in.

Pentzhaven Guest House is minder as 20 min van Kaapstad se middestad af en net 30 minute se ry vanaf Kaapstad Internasionale Lughawe af. Blouberg, met sy wêreldbekende uitsigte op Tafelberg en Robbeneiland, is net 3 km van die gastehuis af. Die gastehuis is ook gerieflik na aan Paarden Eiland, Montague Gardens, Killarney Gardens, Atlantis en Milnerton. Doendinge in die omgewing: vlieërbranderry, voëlkyk, gholf, inkopies, vleiland en natuurreservate. Restaurante, kroeë en filmteaters is ook baie na aan die gastehuis, en sommige is stapafstand.

Kry ’n Kwotasie