Perissa 64 was net ongelooflik lekker! Die ligging, die uitsig, die klank van die see. Wow! Ons wil sommer binnekort weer teruggaan. 'n Onvergeetlike vakansie!

Die plek was 'n teleurstelling in alle opsigte. Die plek het baie aandag nodig en is erg verwaarloos. Om te begin, die kamers se kussings is om van naar te word en het muf op. Die beddegoed is op geslaap en nie vars oor getrek nie en die gordyne hang nie eens op elke hakkie op die rail nie. Die hoofbadkamer se stortgordyn het groen mufkolle op gehad, die toiletbak is gebreek en sommer geplak. Dan word daar ook glad nie storthanddoeke voorsien nie en nadat ons daarvoor gevra het is 'n stel afgelewer om net weer die Woensdag gevat te word en ons eers weer moes bel. Die beddens se matrasse moes al lank al vervang word vir al drie kamers. Die kaste was ook nie skoon nie en die koesyne se verf dop al af. Die grootse teleurstelling was die kombuis. Die eetgerei is oud en onvolledig. Skeplepels, eierspane, braaitange is pateties. Die potte was almal aangebrand en ons moes ons eie pan gaan koop, want die een wat verskaf is is goed vir die asblik. Daar word ook nie 'n mop of besem in die eenheid gelos nie so as iets mors kan jy dit nie eens opvee nie. Dan was daar 'n yskas wat nie behoorlik koud gemaak het nie en nog minder gevries het. Na 'n klagte is 'n vervanging gestuur maar die tipe ding is onverskoonbaar. Die broodrooster het ook nie gewerk nie en moes ook vervang word. Die klererak buite was gebreek en kon dus nie gebruik word nie. Die Weberbraai is nie geskik vir 'n winderige balkon nie en van die shutters voor die vensters kon ook nie toemaak nie. Die eenheid het dakwaaiers in elke kamer maar die goed is so oud soos die berge en die bedrading na 'n muurprop laat veel te wense. Vir die prys sou mens verwag dat daar ten minste lugversorging is. Dan word daar ook nie eens 'n dekodeerder aangebeid nie wat in my opinie nie 'n opsionele ding behoort te wees nie. En as jy jou eie bring moet jy maar sorg dat dit 'n ou een is want die skottel werk nie met 'n Explora nie. Die kersie op die koek is geen WiFi. Dit behoort 'n standaard te wees in enige chalet van die aard. Die estate is baie mooi en ek is seker daar is goeie eenhede in Santorini maar Perisa 64 is nie een van hulle nie alhoewel hy baie potensiaal het.

Heerlik ontspannend. Plek is netjies en naby die see en het 'n lieflike uitsig en balkon.

Dit was asemrowend met die see-uitsig. Dit was absoluut die moeite werd, met die lekker see-uitsig en swembad, die plekkie is netjies en met als wat jy nodig het. Sal definitief weer daar bespreek. Dankie vir als Karen.