Piet-My-Vrou

Kampeer/karavaan

Kapasiteit: 270 persone
Alle ouderdomme is welkom
Inkloktyd: 11:00 tot 18:00
Uitkloktyd: 10:00
Adres: Kareebosch Plaas, Langs die N1, Polokwane, 0700, Limpopo
Vanaf R300 per nag (plek vir 2)

Beskrywing

Piet-My-Vrou is 16 km vanaf Polokwane geleë en bied kampeergeriewe vir groot en klein groepe gaste.

Die Njala Kamp het 'n ablusieblok met 'n stort, bad en 'n toilet. Daar is ook 'n aparte stort en toilet. Opwasgeriewe is ook beskikbaar en etes kan by die etenstafel onder 'n groot grasdak geniet word. Die kampeerplek het ook 'n vuurput en 'n sement swembad om lekker af te koel.

Die kampterrein beskik oor elektrisiteit en warm water word deur 'n donkie voorsien. Troeteldiere word ongelukkig nie toegelaat nie.

Die Waterbok Kamp is geskik vir 15 gaste en het ablusiegeriewe met 'n stort, aparte toilet, vuurput en 'n gasgeiser. Daar is ook elektrisiteit beskikbaar.

Die Blouwildebees Kamp is geskik vir 15 gaste en het ablusiegeriewe met 'n stort, aparte toilet, vuurput en 'n gasgeiser. Daar is 'n klein grasdak met etenstafel. Elektrisiteit is beskikbaar.

Gaste kan hulle eie bergfietse saambring, gaan stap en hul oë oophou vir die wild op die plaas. Daar is kameelperde, waterbokke, gemsbokke, bosbokke, blouwildebeeste en verskeie voëlspesies. Die kampterrein beskik ook oor 'n gemeenskaplike speelarea vir kinders met 'n trampolien, swembad en klimraam.

Kry ’n Kwotasie