Beskrywing

Pinnacle Point Golf Lodge 70 bied gehalte-selfsorgverblyf in 'n smaakvol gemeubileerde tweeslaapkamerhuis aan 5 volwassenes en 2 kinders. Die huis is op die bekroonde Pinnacle Point Landgoed buite Mosselbaai en bied die ideale wegbreek waar gaste net agteroor kan sit en die pragtige natuurskoon en rustige omgewing kan geniet. Die ruim huis spog met 'n lieflike uitsig oor die see, groenstrook en 'n gholfbaan.

Die huis het slaapplek vir 5 volwassenes en 2 kinders, en beskik oor 2 slaapkamers en 2 badkamers. Die hoofslaapkamer het 'n uitstekende uitsig en 'n koningingrootte-bed. Die tweede slaapkamer het 2 driekwartbeddens en ’n stapelbed. Al die beddens het elektriese komberse. Elke slaapkamer het 'n TV met sekere DStv-kanale en elke badkamer het 'n bad, stort, toilet en 'n wasbak.

Die toegeboude braaikamer het 'n etenstafel met sitplek vir 6, gemaklike rusbanke, 'n ingeboude braai, yskassie en 'n TV met DStv. Dit is 'n lieflike kuierarea vir die gesin vanwaar hulle die sonsondergang kan dophou. Die kombuis is met 'n oond, stoof, yskas-vrieskas, skottelgoedwasser, wasmasjien en 'n tuimeldroër toegerus. Die kombuis het eetgerei vir 6 gaste en alle nodige kombuistoebehore. Daar is ook 'n groot koskas met genoeg stoorplek.

Die leefarea het 'n oopplan-ontwerp met 'n ekstra etenstafel vir 4, 2 rusbanke en 2 gemakstoele. Een van die rusbanke is 'n dubbelslaapbank vir kinders. Die leefarea het ook 'n kaggel vir knus winteraande. Daar is parkeerplek vir 2 voertuie.

Die landgoed bied 'n rits doendinge, soos 'n gholfbaan, spa, gimnasium, swembad, klimraam, klubhuis met 'n bekostigbare spyskaart, staproetes, 'n oefenbof, 'n speelarea vir kleuters, en 'n klein privaat strand. Pinnacle Point het 'n ongerepte kuslyn van 4 km en 'n klein natuurreservaat langsaan. Gaste by Pinnacle Point sal afslag op die gholffooi kry, sowel as toegang tot die spa en gimnasium teen ekstra koste. 'n Rondte gholf sluit 'n emmer gholfballe en 'n gholfkarretjie wat gedeel word in.