Plan D'eau

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Perkijt 30, Aldegronde-weg, Langebaan Country Estate, 7357, Wes-Kaap
Vanaf R2 620 per nag (plek vir 8)

Beskrywing

Plan D'eau is in Langebaan Gholflandgoed wat bekend is vir sy Gary Player Gholfbaan. Dié lieflike gholf-villa bied spoggerige selfsorgverblyf met 'n kroeg-area en 'n pooltafel. Gaste sal mal wees oor die landgoed se geriewe. Dit sluit 'n restaurant, gholfwinkel, tennisbaan, rolbalbaan, oefenbof en putt-putt in.

Die villa bied slaapplek vir 8 persone in 3 slaapkamers. Die hoofslaapkamer het 1 koningingrootte-bed en 'n en suite-badkamer met 'n stort, hoekbad, wasbak en 'n toilet. Die tweede slaapkamer het 2 enkelbeddens, en daar is 2 stapelbeddens in die derde slaapkamer. Gaste wat in die laasgenoemde kamers tuisgaan maak gebruik van 'n gedeelde badkamer met 'n stort, wasbak en 'n toilet. Al die beddens is oorgetrek met puik linne.

Op die grondverdieping is daar 'n oopplan-kombuis, -leefarea, -eetkamer en braaiplek. Die kombuis is volledig toegerus met koffie- en teemaakgeriewe, 'n skottelgoedwasser, wasmasjien en 'n tuimeldroër. Die leefarea het gemaklike rusbanke en 'n TV met DStv.

Daar is talle fietsry- en staproetes en die Fox Trail is veral gewild. Die swembad en tennisbane is ook tot gaste se beskikking. Doendinge in die area sluit in: kajakvaarte, seil, vlieërbranderry, perdry, swem en, natuurlik, gholf. Die volgende besienswaardighede is ook nie te ver van die verblyf af nie: die Weskus Nasionale Park, Fossielpark en Evita se Peron op Darling.

Die winkels en restaurante in Langebaan is net 5 minute se ry van die landgoed af.

Kry ’n Kwotasie