Potbelly Beach House

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Charles Stuart-laan 597, Munster, 4278, KwaZulu-Natal
Vanaf R1 200 per nag (plek vir 9)

Beskrywing

Potbelly Beach House is in Munster Beach naby Glenmore in KwaZulu-Natal. Die strand is 500 m van die huis af. Dit is een van die rustigste areas aan die Suidkus en daar is 'n lieflike strand met haainette vir branderplankryers en baie doendinge vir die hele gesin.

Let asb. daarop dat die huis nie omhein is nie en daar is geen motorhuise nie. Die huis beskik egter oor gewapende reaksie, en ’n alarm met laserstrale binne en buite.

Die dubbelverdieping huis het slaapplek vir 9 gaste. Die huis het 4 slaapkamers en 2 badkamers. Daar is 3 dubbelbeddens, 3 enkelbeddens, 1 matras, 'n stort, bad en 2 toilette. Linne word voorsien, maar gast moet asb. hul eie handdoeke saambring. Die kombuis is volledig toegerus met 'n vrieskas, yskas, ysmasjien, skottelgoedwasser, oond, eetgerei, breekware, potte en panne. Die leefarea het 'n TV met die volle DStv-pakket.

Verder is daar 'n groot grasperk waarop die kinders of troeteldiere kan speel en die stoep het 'n braai-area, tafel en stoele. Die see-uitsig is beperk en aangesien dit 'n dubbelverdiepinghuis is, is daar trappe.

Van die doendinge in die omgewing: swemstrand, casino en winkelsentrum (net 15 minute se ry), walviskyk, dolfynkyk, stap, visvang en 'n snorkel by die koraalrif.

Dit is jou verantwoordelikheid om die huis na te gaan vir enige foute of gebreekte vensters, lampies wat nie werk nie, ens. Dit moet binne 24-uur gerapporteer word.

Die plek kan daagliks skoongemaak word teen 'n addisionele fooi.

Kry ’n Kwotasie