Quascateer

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Acacia-weg 11, The Island, Groot-Brakrivier, 6525, Wes-Kaap
Vanaf R4 500 per nag (plek vir 12)

Beskrywing

Quascateer is uitstekend geleë op The Island in Groot-Brakrivier. Die huis bied 'n uitsig oor die rivier en is ideaal vir gesinne wat lekker langs die vuur wil kuier, terwyl die kinders op die gras speel. Die huis het 'n privaat jetty vanwaar gaste hulle eie kano in die water kan sit, lyn kan natmaak, of selfs net in die rivier kan duik om lekker af te koel.

Die hoofhuis beskik oor 4 slaapkamers, waarvan 2 op die boonste verdieping geleë is en elkeen 'n dubbelbed het. Die ander 2 slaapkamers is op die onderste verdieping geleë, een met 'n enkelbed en die ander een met 2 enkelbeddens. Daar is 'n badkamer met 'n stort en 'n toilet, en 'n apart gaste-toilet.

Die kombuis is met 'n oond en stoof, broodrooster, ketel, mikrogolf, skottelgoedwasser en 'n ysmasjien toegerus en buite die kombuis is daar 'n wasmasjien, 2 yskaste en 'n kisvrieskas. Die huis is ruim en het 'n oopplan-eet en -sitarea met 'n TV, en dié area lei na 'n mooi agterplaas met buitebraai-geriewe. WiFi is op versoek beskikbaar.

Langs die hoofhuis is daar 'n woonstelletjie met 'n privaat ingang, dubbelbed en 'n klein slaapkamer met 'n stapelbed vir kinders. Die kothuis het sy eie en suite-badkamer met 'n stort. Die huis 'n buitestort met warm en koue water, ideaal om in af te spoel na 'n dag op die rivier. ’n Yskassie, ketel, broodrooster en mikrogolfoond, sowel as toegang tot die braai-area kan voorsien word.

Kry ’n Kwotasie