Lekker vakansie, alles loopafstand. Ons het baie lekker gekuier, maar sal die volgende aanbeveel. Een dun kussing per bed is nie voldoende nie. Ten minste 2 ordentlike kussings sal 'n aanwins wees. Die matrasse op die bunker beddens is ook verskriklik dun. Jou rug kry eerder seer as wat jy lekker kan slaap. Ons kon nie regtig kos maak nie, want die potte het vreeslik aangebrand. As 'n geheel was dit 'n dak oor ons kop vir die tydperk wat ons daar was, maar die woonstel kan doen met so 'n bietjie dekorbeplanning. Nuwe verf, want die mure dop af, 'n plekkie om jou sleutels te kan hang, koffie/tee/suiker/melk net vir 'n aankomsverwelkoming, dalk ietsie moois op die muur? Idees is eindeloos. Andersins is Ramsgate Palms oor die algemeen 'n baie lekker vakansieplek met die see loopafstand, asook die Blue Lagoon en Waffle House.

Dit was 'n wonderlike blyplek. Enigste nadeel is die plekkie binne self nodig 'n bietjie werk. Die uitsig van die see is uiters onbeskryflik en die plekkie het soveel potensiaal, ek sal kan verstaan as dit volbespreek is deur die jaar. Sal definitief weer gaan. Baie lekker blyplek!

Unit 53 J - Gehawend en baie vuil! Unit 53 J - Na 9 ure se gery, was ons 14:00 gereed om in te check, maar tot ons verbasing, het hul laat weet dat ons eers 15:00 kon in check (waarvan ons onbewus was, want volgens webtuiste was dit 14:00 soos op ons finale bevestigingsbrief). Die woonstel was nog glad nie skoongemaak nie. Ons het 2 ure gewag vir hulle om ons woonstel reg te kry. Uiteindelik toe die woonstel gereed was, het ons alles gedouble check. Daar was heelwat goed nie daar nie en het dit so vir hul aangeteken. Die stort was in 'n vieslike toestand (hare en afskeidings orals). Ons het self Handy Andy gaan koop en die woonstel probeer skrop sodat ons daarin kan lewe. Die beddegoed was taamlik skoon, maar jy kon baie merke sien. Die handdoeke het gestink en dit was gehawend. Die woonstel kort beslis 'n upgrade. Vir R14 000.00 vir 6 dae kon ons baie beter kry. Ons het tog navorsing gedoen op Ramsgate Palms en daar was baie positiewe terugvoering. Beslis nie soos wat geadverteer was nie en ons het die Unit 53 J heeltemal mis gekyk. Die ander eenhede in die kompleks was 10 keer beter. As dit nie vir die hoë seisoen was nie, het ons dadelik 'n ander plek gaan soek. Baie teleurgesteld.

Absoluut fantasties. By aankoms het die sekuriteitswag ons dadelik na ons blyplek gevat en ons gewys waar ons die motor moet parkeer. Ons blyplekkie was mooi skoon en alles was in 'n werkende toestand. Presies soos geadverteer.