Hier kon ons tyd en stad behoorlik agterlaat en die natuur opslurp. Ons het heerlik ontspan. Die chalet het alles gehad wat ons benodig het vir 'n wegbreek uit die stad. Dis 'n vreugde om wakker te word met die koorsang van Bosveldvisvangers. Sononder kon ons die vissies dophou soos hul spring vir aandete. Teen donker was die braaivleisvuur aan die knetter en het vuurvliegies ons vermaak. Die voorreg om die staproete te benut het ons laat deel in die pragtige natuurskoon van bosse, waterval en swempoele.

Stil en rusting in die natuur. Ons het verskriklik lekker gebly in die Stone Chalet. Die stilte was presies wat ons nodig gehad het. Die staproete is ook baie mooi, mens moet net mooi kophou met die geverfde voetspore.

Rustig. Rustige plek. Geen sein, maar dan rus jy lekker. Jammer riete neem dam oor en stortwater het nie uitgeloop.

Rustig. Die rustigheid en voëls maak dit die moeite werd. Die matras is gedaan en ek het baie ongemaklik geslaap.

Dis nou lekker! Baie lekker gebly, voel of mens diep in die bos is! Sharyn het vooraf selfs vir ons 'n verwarmer gebring vir die onverwagte kouefront, baie bedagsaam!

Rustigheid vir die siel! Rhenosterpoort is rus vir die siel! Het die stilte so geniet. Alles wat jy nodig het, is beskikbaar in die chalet. Ons het baie mooi voëls gesien en groot visse in die dammetjie. Hulle is net lui om te byt! As jy 'n plek soek vir rus en vrede, is die die plek vir jou! Het ons goed gedoen!

Ongelooflik mooi. Die natuurskoon is ongelooflik. Die omgewing is rustig en stil. Die selfoon is stil. Die akkommodasie is netjies en gerieflik. Ek vermoed die gasheer het al 'n goeie klomp gaste wat al meer as een keer by hom/haar kom kuier het.