Ons sal weer gaan. Dis 'n klein gem! Baie lekker gebly! Pragtige berge en lieflike rustigheid.

Pragtige berghut in 'n prentjiemooi omgewing! Ons het heerlik gekuier. Die berghut was baie gerieflik met alles wat 'n mens nodig het. Die reuse kaggel in die leefvertrek was 'n wenner en die WiFi en TV met DSTV 'n aangename verrassing. Die hot tub was heerlik, 'n mens kan vir ure daar sit en na die stilte luister en die mooi omgewing geniet. Die diens was uitstekend en toe ons nie warm water gehad het nie, het iemand baie vinnig die probleem uitgesorteer. Dit is 'n baie spesiale plekkie, ons sal vir seker weer gaan kuier!

Wow, die ligging en gerief was bo verwagting. Die bad op die stoep was die sentrale kuierplek vir die naweek!

Ontsettend baie geniet, en sal vir seker weer gebruik maak van die bestemming. Dit was 'n ongelooflike naweek, die fasiliteite was voldoende en ons het heerlik ontspan en die natuurskoon geniet. Die bestemming verg 'n bietjie beplanning en om voorbereiding te tref vir die uitstappie sal sorg dat jy 'n onvergeetlike tyd daar beleef.

Die afsondering, natuurskoon en stilte was onvergelykbaar. Baie dankie! Ons het baie lekker gebly, want die omgewing van die kliphuis sowel as die 5 km pad daarheen loop deur 'n ongerepte veldblomparadys. Middel Oktober was ook die regte tyd om verskeie inheemse orgideetjies te kry wat in die klam skaduwees tussen en onder die renosterbosse wegkruip. Dit sal goed wees as besoekers daarop attent gemaak kan word dat daar 'n aansienlike trappie af na die hoofslaapkamer is wat 'n mens nie in die halfskemer raaksien as jy die eerste keer inkom nie, veral ouer mense wat sleg kan seerkry wanneer hulle val. Vuurhoutjies vir die gasstoof sal ook gaaf wees.