Buite stap in die stilte van 'n goedopgepaste Karoo plaas. By Rietfontein Selfsorg het ons elke dag buite geniet van die ruimte en stilte met ons besige kinders. Onder andere het Joseph die seuns gewys waar om skerpioene te vind in die koppies. Op die grasperk kon ons bal speel. 'n Verfrissende afwesigheid aan die stad se afleidinge, gee ruimte vir tyd met mekaar, bordspelle en die bewondering van die deur God geskepte natuur.

Fantastiese stilte wegbreek. Ongelooflike lekker tyd op die plaas gehad. Die stilte is oorverdowend en die gasvryheid van beide was ongelooflik. Dit was uit en uit die ideale wegbreek uit die stad en ongelooflike lekker familie tyd sonder onderbreking.

Lekker stil. Stil, veilig, skoon en netjies en baie vriendelik ontvang. Sal weer gebruik maak wanneer weer in die omgewing moet reis.

Vreedsaam, genotvol en rustig. Oor Kersfees vir 2 nagte gebly. Joseph het baie moeitie gemaak met ons verblyf. Baie vriendelik en goeie kennis van die omgewing. Sal weer gaan kuier.

Waarde vir geld. Ons het 'n waarde vir geld een nag oorslaap gesoek vir ons reis Kaapstad toe en Rietfontein het nie teleurgestel nie. Joseph en Ilze het ons gasvry ontvang en baie tuis laat voel en ons het die rustigheid van die Karoo terdeë waardeer na 'n lang dag op die pad. Die grondpad tussen Leeu Gamka en die plaas is ook in goeie toestand vir die wat wonder.

Regte Karoo-stilte en -gasvryheid. Lieflike, stil oornagplek, baie mooi en huislik. Voel sommer dadelik tuis en welkom. Joseph en Ilse gaan uit hul pad om verblyf so gerieflik as moontlik te maak, inaggenome die uitdagings met loadshedding. Als wat nodig is. Waaiers, loadshedding-ligte, heerlike tuisgemaakte Karoo-wors te koop om te braai. En koel swembad 'n lieflike lafenis na 'n lang rit en warm dag.

Heerlike gasvrye ontvangs in 'n netjiese plaashuis. Ons sal verseker weer hier gaan kuier.