River House Guest Lodge

Gastehuis

Kapasiteit: 28 persone
Geen kinders onder 13
Inkloktyd: 14:00 tot 19:00
Uitkloktyd: 10:00
Adres: 27 Vis Arend st, , Kruger Park South - Malelane, 1320, Mpumalanga
Vanaf R3 000 per nag (plek vir 2)

Beskrywing

River House Guest Lodge is op die oewer van die Krokodilrivier geleë en kyk uit oor die Krugerwildtuin. Ons leef in harmonie met die Afrika-bos en is 'n gerieflike 60 km vanaf die Mosambiekse grens geleë, sowel as 50 km vanaf Mbombela (Nelspruit) Lughawe, 30 km vanaf die Swaziland-grens en net 4 uur se ry vanaf Johannesburg se lughawe. Ons doen gereeld wildritte en daguitstappies na Malelane.

Verblyf word gebied in 12 uniek ingerigte en suite-kamers met 2 enkelbeddens of 1 dubbelbed. Die en suite-badkamers het elkeen 'n stort en bad. Haardroër, koffie- en teemaakgeriewe, dakwaaiers en lugversorging word voorsien. Elke kamer het sy eie balkon met uitsonderlike uitsigte oor die Khandizwe- en Thlalabye-heuwels van die suidelike Krugerwildtuin. Van hier af kan gaste hul oë oophou vir wild, soos leeus, olifante, luiperds, buffels, renosters en nog meer.

Daar is 'n groot grasdak-dek teen die rivier wat dit die ideale plek maak vanwaar gaste die bosveld kan bewonder. Om reg teen die rivier te sit met 'n skemerkelkie in die hand of om net die asemrowende Afrika-sonsondergang te geniet is voorwaar 'n onvergeetlike ervaring. Gaste kan ook in die swembad afkoel of in die Malelane-son baai terwyl hulle die krokodille en seekoeie in die rivier dophou. En as niksdoen te veeleisend raak kan gaste in die gemaklike sitkamer kom ontspan met 'n boek.

By River House Guest Lodge het ons nie TV of radio nie, die enigste nuus in ons gebied is wanneer 'n luiperd by die watergat gewaar is.

Kry ’n Kwotasie