Royal Albatros

Selfsorg

Gratis kansellasie tot 24 uur voor jou verblyf!
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Albatrosstraat 13, Gansbaai, 2770, Wes-Kaap
Vanaf R2 240 per nag (plek vir 4)

Beskrywing

Royal Albatros is in Gansbaai, 'n vissersdorpie in die Overberg, geleë.

Die eiendom bied 'n pragtige uitsig oor Walkerbaai. Slegs fynbos en rotse is tussen jou en die see. Dis 'n ideale plek om te kom ontspan. Die omgewing is stil en veilig. Daar is volop staproetes en 'n veilige strandjie vir kinders loopafstand vanaf die woonstel. Gedurende die walvisseisoen, Junie tot November, word gaste getrakteer op walvisse reg voor die woonstel.

Die woonstel is die hele onderste verdieping en beskik oor 2 en suite-slaapkamers. Die eerste slaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 2 enkelbeddens en 'n en suite-badkamer met 'n stort. Albei slaapkamers het ook ononderbroke uitsigte oor die see en op die berge. Daar is 'n slaapbank vir 'n kind in die leefarea. Die woonstel bied WiFi en lugversorging in al die vertrekke.

Die leefarea is oopplan en die kombuisie beskik oor 'n yskas, 'n konveksiemikrogolfoond, 2 stoofplate, breekware en eetgerei. Die sitkamer het gemaklike leerrusbanke en 'n TV. Daar is 'n groot stoep voor die woonstel met 'n swembadjie, vir die uitsluitlike gebruik van gaste, en 'n keuse van 'n gasbraai of houtskoolbraai. Onbeperkte WiFi is beskikbaar.

24 gemaklike, breë trappe lei langs die huis af na die woonstel.

Kry ’n Kwotasie