Altyd lekker in San Lameer. Ons bly altyd lekker by San Lameer. Dit sou nog beter gewees het om papbakkies te gehad het in die eenheid.

Aakligste ondervinding ooit met meubels wat beslis nie vir rus is nie. Nee — was slegste moontlike ervaring. Slegste wat ons nog ooit gehad het. Die meubels is nie op 'n aanvaarbare standaard nie. Die banke is of jy sit op dun plankbalkie of val binne die bank se uitgewerkte spons in. Uiters ongemaklik. Die beddens is ook van so standaard dat mens nie daarop kan slaap nie. Om idee te gee voor die vakansie verby was het ons kinders gevra of ons nie eerder kan huis toe gaan nie. Ons het besluit om eerder nie die nuwe jaar in negatiwiteit in te gaan en toe eerder gepak en huis toe gegaan. Beste besluit ooit om eerder te ry en nie verder daar te bly nie. Sal beslis nooit weer hierdie eenheid besoek nie. Uiters teleurgesteld en het meer van die webtuiste verwag.

Baie veilig. Kombuisie bietjie klein. Braaier kon ook beter. Verder is ons 100% gelukkig.

Rustig, mooi natuurskoon. Baie om te doen, moet beslis genoeg tyd daar spandeer om alles te kan geniet.

San Lameer is altyd 'n goeie keuse, alhoewel die waarde vir geld op die eenheid nie goed was nie. Die tweede slaapkamer het geen waaier nie. Dit in een van die areas met hoe humiditeit. Nie eenheid se skuld nie, maar al 4 dae was die estate besig met herstelwerk op water/rioolpype reg by ons stoep, so baie steurend, geen privaatheid, sowel as 'n reuk. Sitkamer: stel voor TV moet vervang word. Voel of jy op houtplanke sit. Gaste bo ons het ook klein kinders gehad, so ons het ook heel tydmeubels hoor skuif bo ons. Glad nie n lekker ervaring die keer nie.

Die oord is fantasties en sal graag weer gaan, maar ek sal nie weer gebruik maak van die eenheid nie. Met ons aankoms was die vloere nie gevee of gemop nie, so teen die tyd wat die kinders in die bed geklim het (na bad) was hul voete klaar weer swart. Ons het toe die eenheid self skoon gemaak. Met klein kinders moet mens gereëld klere was en droog, maar die tuimeldroër was stukkend. Met ons aankoms was die masjien nie gekoppel nie, wat mens laat dink iemand het geweet dat hy buite werking is. 'n Tegnikus het dit tydelik gekry om te werk, maar dit dit het bykans dadelik weer gebreek. Die tuimeldroër is wel 'n dag later vervang. Die DSTV se afstandbeheer het duidelik al te veel myle op en was met kleeflint aan mekaar gehou. Selfs 'n nuwe stel batterye kon nie die stukkende ding kry om te werk nie. Die bad is ingerig met 'n verstelbare stortkop wat aan die muur vas is, maar die klamp was gebreek. Die gevolg is dat die stort net op een plek spuit, reg bo die kraan. Dit maak vir 'n ongemaklike stortproses siende dat mens bo-oor die kraan moet staan om nat te word. Selfs nadat dit gerapporteer was is daar niks aan gedoen nie. Daar is iewers 'n waterlek in die badkamer. Die oorsprong is of op die kraan wat die toilet voer of die pyp na die wasbak kraan, want die badkamer se vloer was alewig nat. Selfs nadat dit gerapporteer was is daar niks aan gedoen nie. Die sitkamer se een venster is toe geverf, so dit kan nie oopmaak nie. Selfs nadat dit gerapporteer was is daar niks aan gedoen nie. Die een kasdeur in die kombuis is gebreek. Die onderste skarnier is uit getrek en die oorblywende skarnier is op sy einde. Vele van die kasdeure se films (laminate) begin omdop en loskom en kan vergelyk word met wat mens sou verwag van a 1-ster eenheid. Let asb. dat die geut op die stoep deer ape beskadig is gedurende ons tyd daar. Die gevolg is dat daar aanhoudende water op die stop drip van die eenheid bo die een. Dit is gerapporteer maar met die toestand van die eenheid is ek nie vol vertroue dat dit aandag gaan kry voor die volgende gaste inklok nie. Ons is uiters teleurgesteld in die kondisie van die eenheid, die pap is beslis nie die sous werd nie.