San Lameer Villa 2523

Beskrywing

San Lameer Villa 2523 is in die San Lameer Landgoed aan KwaZulu-Natal se Suidkus geleë. Dié subtropiese paradys met sy wild, fauna, flora en voëls bied iets vir die hele gesin. Dié 200-hektaar bewarea spog met 'n 18 putjie-kampioenskapgholfbaan, hotel met 'n spa, restaurant, 'n kroeg en luukse villas met direkte toegang tot 2 pragtige Blouvlagstrande.

Dié villa het lugversorging, bied slaapplek aan 2 gaste en beskik oor 'n oopplan-ontwerp. Daar is 'n koningingrootte-bed en 'n badkamer met 'n stort, wasbak en 'n toilet. Gehaltelinne en badhanddoeke word voorsien, maar gaste moet hul eie swemhanddoeke saambring.

Die kombuis is met 'n eenplaat-induksiestoof, mikrogolfoond, yskas-vrieskas, eetgerei, breekware, koffie- en teemaakgeriewe, skottelgoedwasser en 'n wasmasjien toegerus. Die slaapkamer lei na 'n sitarea met gemaklike sitplek en 'n TV. Gratis WiFi is beskikbaar.

Die leefarea lei na 'n sonnige stoep met 'n buite-etenstafel, ingeboude braai en 'n uitsig oor die lowerryke omgewing. 'n Ekstra Weber-braai is ook beskikbaar. Veilige parkeerplek is beskikbaar.

Die landgoed spog met gemeenskaplike swembaddens, 'n uitgestrekte lowerryke omgewing, tuine vir piekniek, speelarea vir kinders, fietse wat gaste kan huur, visdam en 'n dam waar gaste kan voëlkyk. Daar is ook gemeenskaplike braai-areas en staproetes.