Heerlike wegbreek. Hierdie eenheid was ideaal vir ses persone met gemaklike moderne meubels, 'n groot skerm televisie, WiFi, watertenk, sagte handdoeke, nuwe kombuis toebehore en 'n fantastiese ligging. 5 minute stap na die strand en 5 minute stap met die voetpad na die hotel en winkel. Daar was goeie kommunikasie tussen ons en die verhuringsagent en hul instandhoudingspan het vinnig gereageer op defekte. Ons het gebruik gemaak van 2 parkeerplekke en albei was baie naby aan hierdie eenheid. Die slaapkamers is op die tweede verdieping en die steil trappe kan 'n probleem wees vir ouer persone en klein kinders. Die kombuis eetgerei, groentemesse en panne kan vervang word. Die inverter het probleme gegee en ons kon nie daarop staat maak vir krag tydens beurtkrag nie.

Ontspannend, pret. Ons het baie lekker gebly. Ek sal wel noem dat daar hier en daar goed is wat vervang moet word in die villa byvoorbeeld die kombuisasblikke, asook die toilethouertjie in die hoofbadkamer en dan is die tumble dryer se deur ook stukkend (werk nog, maar deel van die deur val soms af).

Sleg. Geen parkeringnommers, kry sommer 'n final warning vir verkeerde parkeerplek nadat die werkers ons beveel het om daar te stop. Lyk soos 'n bouperseel met al die bourommel.

Heerlik, netjies. Gemaklike blyplek, naby aan alles.

Baie rustig, kalm atmosfeer en netjies. Die huis was baie skoon en netjies. Bonus dat dit 'n werkende wasmasjien en tuimeldroër gehad het. Ons sal definitief weer San Lameer besoek met toekomstige vakansies.

Baie aangenaam - lekker gerus en baie geniet. Die eenheid is 'n bietjie moeg - dit het 'n nuwe laag verf nodig en miskien 'n bietjie modernisering. Albei wasbakke in die badkamers se krane maak nie ordentlik toe nie so jy moet hulle baie styf draai om te verhoed dat jy water mors. Andersins, geen klagtes nie. Niks te doen met die eenheid nie, maar ek dink regtig dat San Lameer weer na hulle access control by die hek na die see moet kyk. Die proses wat hulle gebruik het toe ons daar was (4 -11 Januarie 2020) was nie voldoende vir my nie - enige iemand kon meer as een armband vat en dan vir enige ander persoon (wat nie noodwendig in die oord bly nie) gee en dan kon hulle inkom. Hulle was ook nie konsekwent met hulle reëls nie - een dag moet jy die armband terug gee en ander dae nie - so ek weet nie of dit net was na die peak season nie en dit is hoekom hulle nie so streng was nie, maar dit het my ongemaklik laat voel. Ek dink die vorige proses dat jy vir die armband moes betaal en dan die deposito terug kry, was vir my baie beter en jy kon dit beter kontroleer.

Fantastiese vakansieverblyf en strande. Die diens van duie webtuiste was besonders. Hulle was tegemoetkomend, behulpsaam en baie vriendelik. Daar was heeltyd inligting deur hulle verskaf, van in teken reëlings tot noodnommers tot inligting oor kragonderbrekings by die akkommodasie. Al hulle reëlings en bystand was uiters waardeer. San Lameer as 'n vakansiebestemming is besonders. Veilig, skoon en gerieflik. Baie mooi strande en al die aktiwiteite wat 'n mens wil hê. Ek wens net ek kon gholfspeel.