Koud en lekke (was daar nét voor sneeu geval het). Dit was nou 'n kuier om te onthou. Dankie, vir die verrassings - en dit was meer as genoeg vir ons twee! Selfs die koue weer (ons was daar nét voor die sneeu geval het) het nie gepla nie, die binnebraai het, as 'n kaggel, sy doel gedien. Ons gaan weer kom kuier.

Baie lekker plaas bederfies, sal weer kom. Vreeslik geniet, die atmosfeer en gasvryheid is merkwaardig. Heerlike plaasbrode en tuisgebak ontvang. Baie dankie vir 'n heerlike kuier.

N ongelooflike rustige ervaring gewees. Dorina se vars gebakte brood en konfyt. Dit was ongelooflik!

Ek wou nie daar wegry nie! Dit se alles. Dit is werklik 'n baie lekker huis, baie netjies, baie ruim, regtig pragtige area en wonderlike eienaars.

Sielsverrykend, rustig en kalm, medisyne vir die gemoed, na-aan God se natuur. Verblyf: 23 Desember 2023 - 5 Januarie 2024. 'n Onvergeetlike 2 weke! Dankie vir die heerlike bederfies wat ons so gereeld gekry het; die vinnige inloer-kuiertjies en geselsies. Die rus was ongetwyfeld sielsverrykend. Die milieu spreek boekdele van ongerepte natuurskoon en kalmte. Die plaas het gesorg dat elkeen van ons op sy/haar eie manier kon ontspan en rus. Dit was 'n voorreg om na die hart van die skepping te kon kom. (An absolute blessing!). Onvergeetbare herinneringe, oomblikke te koester en hartstogtelike vreugde en vrede sal altyd deel wees van die Sandvlei-verhaal in ons harte!

Ongelooflik en rustig. Ideaal vir kinders. Van die begin af het die verblyf ons tuis laat voel. Die kommunikasie met Dorina was uitstekend en ons kon nie wag om daar te wees nie! Wat 'n ongelooflike amazing naweek. Wat 'n ongelooflike verrassing om by die huis in te stap met 'n vars gebakte broodjie, konfyte ens, asook heerlike tuisgebakte koekies en beskuit te kry! Ons was 'n gesin van 3 groot mense en 2 kiddies (onder 6). Die kinders het die plaasomgewing so geniet. Vir 'n slag kon hulle rondhardloop en gaan sonder dat mens bekommerd is. Die plaas is so veilig en daar is regtig so baie goed vir almal om te doen. Die kinders het die ervaring gehad om 'n hanslammertjie te voer, eiers uit te haal en met hulle nuwe vriend, Bingo die skaaphond, te speel. Die babavarkies was ook 'n belewenis vir hulle. Die verblyf is baie goed ingerig en mens het regtig niks nodig nie. Nie eens loadshedding kon mens se pret bederf nie. Die kombuis het regtig alles wat mens nodig het. Die pad vanaf die Kaap is mooi en mens verkyk jou aan die omgewing. Ons het die Saterdag gou Montague toe gegaan (so 50 km ver), maar wat 'n mooi pad met die mooiste omgewing. Ons gaan vir seker weer daar 'n draai maak. Dankie Dorina en Hennie vir julle gasvryheid en dat julle die omgewing met ons gedeel het. Dankie ook vir al die speelgoed wat die kinders so heerlik kon ronddra!