Beskrywing

Santos 18 bied gerieflike selfsorg-akkommodasie in Santosstrand in Mosselbaai. Dit is naby verskeie winkels, restaurante, die strand, aktiwiteite en besienswaardighede.

Dié woonstel het 3 slaapkamers, 2 badkamers en 'n oopplan-kombuis, -sitarea en -eetarea. Die eerste slaapkamer het 'n dubbelbed, die tweede slaapkamer het 'n 2 enkelbeddens en die derde slaapkamer het 1 enkelbed en 1 stapelbed. Die hoofbadkamer het 'n bad en die tweede badkamer 'n stort.

Die kombuis is met 'n mikrogolfoond, ketel, broodrooster, yskas, oond, stoof en 'n skottelgoedwasser toegerus.

Die sitarea beskik oor 'n TV met DStv. Gratis WiFi is ook beskikbaar

Gaste geniet toegang tot 'n balkon met Weber-braaigeriewe. Daar is 'n wag op die perseel 24 uur 'n dag en gaste het toegang tot parkeerplek buite.

Santosstrand is 'n Blouvlagstrand wat in die gewilde vakansiedorp Mosselbaai geleë is. Die groot, oop strand bied uitsigte oor die baai en dis die ideale plek om walvisse en dolfyne vanaf Mei tot Oktober in die see te sien baljaar. Santosstrand is fantasties en ideaal vir 'n groot verskeidenheid watersport en -aktiwiteite soos paddle-ski, branderplankry, bootritte, duik en hengel. Santosstrand is ideaal geleë naby 'n hele rits restaurante en plaaslike besienswaardighede.