Schafli Manor

Gastehuis

Kapasiteit: 15 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Heron Loop 540, Cintsa-Oos, 5275, Oos-Kaap
Vanaf R950 per nag (plek vir 2)

Beskrywing

Schafli Manor is die historiese setlaarshuis van die area, gebou op die hoogste uitkykpunt van Chintsa (Cintsa)-Oos. Schafli Manor is perfek vir gaste wat op soek is na 'n ander ervaring, met oorgenoeg wildlewe, buitelewe, leefstyl, sport en fotografiese geleenthede.

Die huis beskik oor 3 en suite-slaapkamers. Elke slaapkamer het 'n koningin- of 'n koninggrootte-bed. Twee van die slaapkamers het stoepe met wonderskone see-uitsigte. Die kamers Seabreeze en Bayview is groot met en suite-badkamers met aparte sitareas met moderne strandhuis-dekor. Die Oyster-kamer is meer intiem en ouwêrelds ingerig om die geskiedkundige oorsprong van die huis uit te beeld.

Die selfsorgverblyf bied 3 eenhede wat slaapplek aan 12 gaste bied. Al die eenhede het gemaklike beddens, 'n en suite-badkamer, 'n sitarea en 'n TV met DStv. Hierdie eenhede het 'n kombuisie wat met 'n yskas, mikrogolf, stoof en oond toegerus is.

Al die kamers bied toegang tot die hoofhuis met 'n grootskerm-TV, speletjieskamer en groot swembadterras.

Gaste is mal oor die eklektiese dekor en kuns wat regdeur die huis te siene is. Die ongelooflike uitsigte oor die vallei en die see is natuurlik ook 'n groot trekpleister vir die 6000 m²-eiendom.

Schafli Manor is deel van die Jikeleza Wildekusroete, waar jy die baaitjies en ongerepte natuur kan verken. Soek skulpe, klippies, skeepswrakke en seelewe in die rotspoele wat millennia gelede deur lawa gevorm is. Swem, snorkel, hengel, kajak, perdry, hardloop of stap op die eindelose strande en beoefen watersport in een van die baie riviere, mere en die see.

Schafli Manor is naby al die geriewe en besienswaardighede. Inkwenkwezi Wildreservaat is sowat 7 km van hier af, Emerald Vale Craft Brewer sowat 3 km, Olive Wood Gholflandgoed om en by 7 km en die lughawe net 45 km. Die bekende gesinsrestaurant, C-Club, is net oorkant die pad, aan die kant van die vallei. Daar is ook gereelde kunsmarkte en musiekfeeste in die omgewing.

Kry ’n Kwotasie