Beskrywing

Sea-esta Coastal Cottage is 'n selfsorgkothuis in die Berea van Amanzimtoti. Dit is naby Amanzimtoti se hoofstrand. Die gastekothuis is op 'n residensiële perseel waar die eienaars ook woon.

Die kothuis beskik oor 1 slaapkamer, 1 badkamer, 'n kombuis, 'n sitarea en 'n eetarea. Die slaapkamer het 'n koninggrootte-bed en lugversorging. Die badkamer het 'n stort en bad. 'n Enkelslaapbank is ook beskikbaar.

Die kombuis is met 'n gasstoof, oond, yskas, mikrogolf en 'n aparte wyn- en koffiekroeg toegerus. Die oopplan-sitarea en -eetarea het 'n TV met Netflix en YouTube. Die kothuis het ook WiFi.

Die swembad op die perseel is beskikbaar vir gaste se gebruik en gaste het ook toegang tot 2 onderdakparkeerplekke en 'n aparte ingang.

Die kothuis is troeteldiervriendelik en gaste is welkom om troeteldiere saam te bring mits dit vooraf so gereël is.