Claptons Beach 10

Selfsorg

Kapasiteit: 5 persone
Geen kinders onder 2
Inkloktyd: 15:00 tot 19:00
Uitkloktyd: 10:00
Adres: Island Palm-straat, Claptons Beach 10, Marina Martinique, 6332, Oos-Kaap
Vanaf R1 350 per nag (plek vir 5)

Beskrywing

Claptons Beach 10 is 'n gerieflik gemeubileerde selfsorg-eenheid vir 5 mense in Marina Martinique, Jeffreysbaai.

Die duplekswoonstel beskik oor 3 slaapkamers, 1 badkamer, 'n kombuis en 'n sitkamer. Die hoofslaapkamer het 'n dubbelbed, en die tweede slaapkamer is ook ingerig met 'n dubbelbed. Die derde slaapkamer is ingerig met 'n driekwartbed, en die slaapkamers deel die gebruik van 'n badkamer wat toegerus is met 'n bad en 'n stort oorhoofs. 'n Gastetoilet, asook 'n warmwaterbuitestort is beskikbaar om die seesand af te spoel. Gerieflikheidshalwe word linne voorsien, en gaste moet asseblief hul eie bad- en swemhanddoeke saambring.

Die oopplan-kombuis is toegerus met 'n stoof en oond, 'n mikrogolfoond, 'n yskas, eetgerei en breekware, potte en panne, asook tee- en koffiemaakgeriewe. 'n Skottelgoedwasser en 'n wasmasjien is ook beskikbaar vir gaste om te gebruik.

Gaste kan ontspan in die sitkamer wat toegerus is met 'n TV met DStv Now, Netflix, Showmax en gratis WiFi, en gaste is welkom om hul dekodeerder, afstandbeheer en slimkaart saam te bring om na nog DStv-kanale te kyk.

Die leefarea maak oop op die patio wat 'n ingeboude braai het en uitkyk oor die kompleks en gemeenskaplike swembad. Die kompleks het ook 24 uur-sekuriteit.

Marina Martinique bied verskeie restaurante en doendinge soos branderplankry, swem, snorkel, visvang, asook besienswaardighede soos die Waterpark.

Kry ’n Kwotasie