Shabby Chic Beach House

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 12:00
Adres: Botterblomstraat, Dwarskersbos, 7365, Wes-Kaap
Vanaf R2 000 per nag (plek vir 4)

Beskrywing

Shabby Chic Beach House bied 2 selfsorg-eenhede op 1 erf in Dwarskersbos en is net 100 m se stap van die strand af.

Die dubbelverdiepinghuis bied gaste 'n keuse om die Shabby-eenheid met slaapplek vir 4 of die Chic-eenheid met slaapplek vir 6 saam of afsonderlik te bespreek, en die eenhede word deur 'n gang en 'n deur op die boonste verdieping verbind.

Die Shabby-eenheid beskik oor 2 slaapkamers en 'n solderkamer wat die gebruik van 2 badkamers deel. Die Chic-eenheid beskik oor 3 slaapkamers, 2 op die boonste verdieping, en die kamers deel die gebruik van 2 badkamers, waarvan 1 ook op die boonste verdieping geleë is.

Elkeen van die eenhede het 'n oopplan-kombuis en 'n braai-area wat op die grondvloer geleë is. Die kombuis is toegerus met 'n mikrogolfoond, 'n stoof, 'n wasmasjien, 'n skottelgoedwasser en 'n yskas. Elke eenheid het ook 'n sitkamer met 'n TV en DStv. Gaste word gratis WiFi gebied en dit bly ook aan tydens kragonderbrekings.

Die huis het 'n gemeenskaplike dek met braaigeriewe, en elke eenheid het aparte toegang tot die dek. Gaste moet asseblief hul eie braaihout saambring. 'n Buitelug-warm-en-koue-water-stort is ook beskikbaar vir gebruik. Parkeerplek is beskikbaar in die toesluitmotorhuis vir 1 voertuig per eenheid, en die huis het 'n alarmstelsel. Daar is meer parkeerplek langs die huis.

Gaste kan op die lang strand gaan stap en daar is verskeie restaurante en doendinge in die area soos bootritte, die Rocherpan-natuurreservaat en visvang. Vra gerus die eienaars vir voorstelle vir aktiwiteite.

Kry ’n Kwotasie