Beskrywing

Clarens Shady Oak is 'n lieflike huis vir 'n gesinsvakansie in die hartjie van Clarens. Die eenheid is 50 m van die dorpsplein af.

Dié vakansiehuis bied slaapplek aan 10 gaste en beskik oor 4 slaapkamers, 2,5 badkamers, 'n kombuis en 'n leefarea met 'n dubbelslaapbank. Drie van die slaapkamers het elkeen 'n dubbelbed. Die hoofslaapkamer het 'n koniningrootte-bed en 'n en suite-badkamer met 'n bad, stort, en toilet. Daar is ook 'n kaggel in die kamer en 'n privaat stoepie met 'n uitsig oor die tuin. Die tweede slaapkamer skakel aan die hoofslaapkamer met 'n tussendeur. Dit is dus perfek vir 'n gesin. Indien die deur tussen hierdie twee kamers toe gehou word, is daar 'n ander ingang van buite af na die hoofslaapkamer.

Die tweede badkamer het 'n toilet, bad en 'n stort. Daar is ook 'n aparte toilet reg langs die badkamer.

Die oopplan-kombuis is met 'n yskas-vrieskas, gasstoof, oond, mikrogolfoond, wasmasjien, basiese eetgerei, breekware en koffie- en teemaakgeriewe toegerus. Die kombuis lei na 'n vertrek met 'n kaggel en stoele en 'n groot oopplan-leef- en -eetarea. Die leefarea het 'n sitkamerstel, dubbelslaapbank, kaggel en 'n klein kroegarea. Die eetkamer het 'n groot houttafel en stoele vir 10 gaste. Gratis WiFi is ook beskikbaar.

Die skuifdeure by die eetkamer lei na 'n groot houtdek waar gaste kan braai en die uitsig oor Mount Horeb kan bewonder. Daar is ook 'n tafel en stoele. Veilige parkeerplek is op die perseel beskikbaar vir 6 voertuie, waarvan 3 parkeerplekke onderdak is.

Hierdie huis is naby die Clarens-dorpsplein en dus kan hierdie bekoorlike dorpie se winkels en restaurante maklik bereik word.